ഐപിഎൽ ക്രിക്കറ്റിൽ സൺറൈസേഴ്‌സ്‌ ഹൈദരാബാദിനെ എട്ട്‌ വിക്കറ്റിന്‌ തകർത്തു കൊണ്ട് റോയൽ ചലഞ്ചേഴ്‌സ്‌ ബാംഗ്ലൂർ വിജയികളായി. ഹൈദരാബാദ് ഉയര്‍ത്തിയ 187 റണ്‍സ് വിജയ ലക്ഷ്യം നാല് പന്ത് ബാക്കി നില്‍ക്കെ എട്ട് വിക്കറ്റിനാണ് ബാംഗ്ലൂര്‍ മറികടന്നത്. വിരാട്‌ കോഹ്‌ലിയുടെ സെഞ്ച്വറിയാണ് റോയൽ ചലഞ്ചേഴ്‌സ്‌ ബാംഗ്ലൂരിന്‌ അനിവാര്യമായ വിജയം സമ്മാനിച്ചത്. 63 പന്തിൽ 12 ഫോറും 6 സിക്സറും
ഉൾപ്പെടെയാണ് കോഹ്ലി സെഞ്ച്വറി തികച്ചത്.

സ്‌കോർ: ഹൈദരാബാദ്‌ 5-186, ബാംഗ്ലൂർ 2-187 (19.2). 47 പന്തിൽ ഏഴു ഫോറും രണ്ടു സിക്സറും ഉൾപ്പെടെ ഫാഫ് ഡു പ്ലെസിസ് 71 റൺസെടുത്തു. ഇരുവരും ചേർന്നുള്ള 172 റൺസിന്റെ കൂട്ടുകെട്ട് ഐ.പി.എൽ ഈ സീസണിലെ ഏറ്റവും വലിയ കൂട്ടുകെട്ടാണ്. മാസ്ക് വെൽ 5 ഉം മൈക്കൽ ബ്രേസ്‌വെൽ 4 ഉം റൺസെടുത്ത് പുറത്താവാതെ നിന്നു. ഭുവനേശ്വർ കുമാർ, നടരാജൻ എന്നിവർ ഒരോ വിക്കറ്റ് വീതം വീഴ്ത്തി. ഈ വിജയത്തോടെ 14 പോയിന്റുമായ റോയൽ ചലഞ്ചേഴ്സ് ബാംഗ്ലൂർ പട്ടികയിൽ നാലാമതെത്തി. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഹൈദരാബാദിൻ്റെ മുന്‍നിര പതിവ് പോലെ തകര്‍ന്നടിഞ്ഞു. അഭിഷേക് ശര്‍മ (11), രാഹുല്‍ ത്രിപാതി (15), എയ്ഡന്‍ മാര്‍ക്രം (18) എന്നിവര്‍ നിരാശപ്പെടുത്തി.