அஜித்தின் அடுத்த படமும் ஹாலிவுட் ஸ்டைலா?
- IndiaGlitz, [Wednesday,September 13 2017]
அஜித் நடித்த 'விவேகம்' ஹாலிவுட் படங்களுக்கு இணையாக உருவாக்கப்பட்டு உலகம் முழுவதும் நல்ல வெற்றியை பெற்றுள்ளது. இந்த படத்தின் வசூல் சென்னை உள்பட அனைத்து பகுதிகளிலும் புதிய சாதனைகளை செய்து வந்தது குறித்து கடந்த சில நாட்களாக வெளிவந்த செய்திகளை பார்த்தோம்
இந்த நிலையில் அஜித்-சிவா கூட்டணி 4வது முறையாக இணையவுள்ளது குறித்து செய்திகள் வந்து கொண்டிருக்கும் நிலையில் தற்போது இந்த படத்தின் கதை குறித்தும் ஒரு வதந்தி சமூக வலைத்தளங்களில் பரவி வருகிறது
அஜித்தின் அடுத்த படம் ஸ்பேஸ் சம்பந்தப்பட்ட படம் என்றும் இந்த படமும் ஹாலிவுட்டுக்கு இணையாக பிரமாண்டமாக, மிகப்பெரிய பட்ஜெட்டில் தயாரிக்கப்படவுள்ளதாகவும் கூறப்படுகிறது. ஆனால் இயக்குனர் சிவா அல்லது அஜித் தரப்பில் இருந்து இந்த செய்தி உறுதி செய்யப்படவில்லை