ప్రేమించిన యువతిని పెళ్లి చేసుకున్న ‘సాహో’ డైరెక్టర్..
- IndiaGlitz, [Monday,August 03 2020]
కరోనా మహమ్మారి కారణంగా సెలబ్రిటీల పెళ్లిలన్నీ సింపుల్‌గా జరిగిపోతున్నాయి. ఇటీవలే హీరో నితిన్, నిఖిల్‌లు ఎలాంటి హంగూ ఆర్భాటాలకు పోకుండా సింపుల్‌గా తమ పెళ్లి తంతుని మమ అనిపించిన విషయం తెలిసిందే.కరోనా ఇప్పట్లో పోయే సూచనలు కనిపించకపోవడంతో ‘సాహో’ డైరెక్టర్ సుజిత్ కూడా మన యంగ్ హీరోల బాటానే అనుసరించారు. కొద్ది మంది కుటుంబ సభ్యులు, సన్నిహితుల సమక్షంలో సుజిత్ వివాహం సింపుల్‌గా జరిగిపోయింది.
ప్రవళిక అనే యువతిని ప్రేమించిన సుజిత్ పెద్దల అంగీకారంతో ఆదివారం అతికొద్ది మంది అతిథుల మధ్య వివాహం చేసుకున్నాడు. సుజిత్ పెళ్లి ఫోటోలు సోషల్ మీడియాలో వైరల్ అవుతున్నాయి. సెలబ్రిటీలు, నెటిజన్లు ఆయనకు విషెస్ చెబుతూ కామెంట్లు పెడుతున్నారు.