బాహుబ‌లితో తెలుగు సినిమా రేంజ్ ప్ర‌పంచ స్థాయికి చేరింది. టైటిల్ పాత్ర‌లో న‌టించిన ప్ర‌భాస్ రేంజ్ అమాంతం పెరిగింది. అయితే త‌దుప‌రి  ప్ర‌భాస్ ఏ సినిమాలో న‌టిస్తాడ‌నే దానిపై స‌ర్వ‌త్రా ఆస‌క్తి నెల‌కొంది. ప్ర‌భాస్ నెక్ట్స్ మూవీ 'సాహో' సినిమా అంచ‌నాల‌కు త‌గిన‌ట్లు రూపొందుతుంది. అయితే అంద‌రూ ఈ సినిమా కోసం ఎంత‌లా ఎదురు చూస్తున్నారనేది రీసెంట్‌గా విడుద‌లైన కొత్త లుక్‌తో తెలిసింది.

మంగ‌ళ‌వారం ప్ర‌భాస్ త‌న ఇన్‌స్టాగ్రామ్ అకౌంట్ ద్వారా 'సాహో' కొత్త లుక్‌, రిలీజ్ డేట్‌ను అనౌన్స్ చేసిన సంగ‌తి తెలిసిందే. ఈ లుక్‌కు సోష‌ల్ మీడియాలో ఎక్స్‌ట్రార్డిన‌రీ రెస్పాన్స్ వ‌స్తుంది. 24 గంట‌ల్లో ఈ పోస్ట‌ర్‌కు 7,84,586 లైక్స్ రావ‌డం గ‌మ‌నార్హం. మ‌రే తెలుగు సినిమా ఇన్ని లైక్స్‌ను సాధించ‌లేద‌ట‌. సినిమా పోస్ట‌ర్‌కే ఇంత రెస్పాన్స్ వ‌స్తే.. ఇక సినిమాకు ఎలాంటి రెస్పాన్స్ వ‌స్తుందో ఎక్స్‌పెక్ట్ చేయండి.