‘సాహో’ ట్రైలర్ ఎప్పుడెప్పుడు రిలీజ్ అవుతుందా..? అని కళ్లలో ఒత్తులేసుకొని ఎదురుచూస్తున్న ప్రభాస్ ఫ్యాన్స్ చిత్రబృందం శుభవార్త చెప్పింది. అనుకన్న సమయానికే ‘సాహో’ ట్రైలర్ అభిమానుల ముందుకు వచ్చేసింది. 2 నిమిషాల 46 సెకన్లు ఈ ట్రైలర్‌లో సినిమా ఏ రేంజ్‌లో ఉంటుందో తెలిసిపోయింది. ఇప్పటికే విడుదలైన ఫస్ట్ లుక్‌తో పాటు పలువురు పాత్రలు సినీ ప్రియుల్లో ఎంతో ఆసక్తిని పెంచేశాయి. అయితే తాజాగా సాహో ట్రైలర్ వచ్చేసింది.

ట్రైలర్‌లో ఏముంది..!

ముంబాయిలో రూ.2000 కోట్లను ఎవరో దొంగలిస్తారు.. అది దొంగతనం చేసింది ఎవరు ? హీరో ఈ దొంగతనం చేశాడా? లేక మరెవరైనా దొంగలించారా..? అనేది కనుక్కోవడానికి పోలీసు అధికారులు తలలు పట్టుకుంటూ ఉంటారు. సరిగ్గా ఇదే సమయంలో అమృతా నాయర్ (శ్రద్దా కపూర్) అనే క్రైమ్ బ్రాంచ్ ఆఫీసర్ రంగంలోకి దిగుతుంది. ముంబాయిలో దొంగతనం చేసిన వాళ్లను పట్టుకునే పనిలో బిజీబిజీగా గడుతుంటుంది. ఈ ట్రైలర్ మొత్తమ్మీద ‘గల్లీలో ఎవరైనా సిక్స్ కొడతాడు.. కానీ స్టేడియంలో కొట్టినవాడికే ఓ రేంజ్ ఉంటది’ అనే డైలాగ్ సూపర్బ్ అనిపించింది. అంతేకాదు ఒకానొక సందర్భంలో శ్రద్ధా.. ప్రభాస్‌ను తనతో ఉన్న తుపాకితో కాల్చేందుకు యత్నిస్తుంది కూడా.

ట్రైలర్ టాక్!

ట్రైలర్ అంచనాలకు ఫ్యాన్స్, సినీ ప్రియుల అంచానాలన్నీ తారుమారు చేసేలా ఉంది. ఈ సినిమాలోని సీన్స్, ఛేజింగ్ దృశ్యాలను చూస్తే.. బాలీవుడ్, హాలీవుడ్ సినిమాలు కూడా ఈ ‘సాహో’ రేంజ్‌కు సరిపోవని తెలుస్తోంది. దర్శకుడిగా సుజిత్ టేకింగ్, ఫోటోగ్రఫీ, ప్రభాస్ స్టంట్స్ ఓ రేంజ్‌లో ఉన్నాయని చెప్పుకోవచ్చు. ఒక్క మాటలో చెప్పాలంటే.. డైరెక్టర్ సుజిత్ ఇన్ని రోజులు వేచి చూసి ‘సాహో’ సినిమా తీసినప్పటికీ మంచి ఫలితమే దక్కబోతోందని చెప్పడంలో ఎలాంటి అతిశయోక్తి లేదు. సుజిత్ నమ్మకాన్ని ఒమ్ము చేయకుండా ప్రభాస్ న్యాయం చేశారు. విజువల్ ట్రీట్ మాత్రం సూపర్బ్ అనిపించాయి. ఆ ఫైట్ సీన్స్, విజువల్ ఎఫెక్ట్, కలరింగ్ మాత్రం సూపర్బ్ అనిపించాయి. మరోవైపు ప్రభాస్, శ్రద్దాల కెమిస్ట్రీ అదిరిపోయింది. అయితే అక్కడక్కడ విజువల్స్ మాత్రం ‘బిల్లా’ సినిమాను పోలి ఉండటం గమనార్హం.

ఇదిలా ఉంటే.. ఈ సినిమాను ముందుగా ఆగస్టు 15న రిలీజ్ చేయాలని చిత్రబృందం భావించినప్పటికీ.. కొన్నిఅనివార్య కారణాల వల్ల ఆగష్టు 30న విడుదల చేస్తున్నారు. మరి ఫ్యాన్స్, సినీ ప్రియులకు ప్రభాస్ సినిమాను ఏ మాత్రం ఆదరిస్తారో తెలియాలంటే మరికొన్ని రోజులు వేచి చూడాల్సిందే.