வாஜ்பாய் மறைவுக்கு ரஜினிகாந்த், சச்சின் இரங்கல்
- IndiaGlitz, [Thursday,August 16 2018]
முன்னாள் பாரத பிரதமர் அடல்பிஹாரி வாஜ்பாய் கடந்த சில நாட்களாக உடல்நலமின்றி டெல்லி எய்ம்ஸ் மருத்துவமனையில் சிகிச்சை பெற்று வந்த நிலையில் சற்றுமுன்னர் சிகிச்சையின் பலனின்றி காலமானார். அவரது மறைவிற்கு இந்தியாவின் முக்கிய தலைவர்கள் இரங்கல் தெரிவித்துள்ளனர்.
இந்த நிலையில் வாஜ்பாய் மறைவிற்கு சூப்பர் ஸ்டார் ரஜினிகாந்த் தனது சமூக வலைத்தளத்தில் இரங்கல் தெரிவித்துள்ளார். நாட்டின் முக்கிய தலைவர் வாஜ்பாய் அவர்களின் மறைவு அறிந்து மிகுந்த வருத்தம் அடைந்தேன். அவரது ஆன்மா சாந்தியடைய இறைவனை பிரார்த்தனை செய்கிறேன்' என்று கூறியுள்ளார்.
இதேபோல் சச்சின் தெண்டுல்கர் தனது டுவிட்டரில், 'இன்று இந்தியாவுக்கு மிகப்பெரிய இழப்பு ஏற்பட்டுள்ளது. நமது தேசத்திற்கு எண்ணற்ற சேவை செய்த வாஜ்பாய் மறைந்துவிட்டார் என்று கூறியுள்ளார்.