ஆஸ்கார் நாயகன் இசைப்புயல் ஏஆர் ரஹ்மான் அவர்களின் தாயார் கரீமா பேகம் அவர்கள் நேற்று உடல்நலக்குறைவு காரணமாக காலமானார் என்ற செய்தியை பார்த்தோம். ஏ.ஆர் ரஹ்மானின் தாயார் மறைவுக்கு முதல்வர் பழனிசாமி, திமுக தலைவர் ஸ்டாலின் உள்பட பல அரசியல்வாதிகளும் திரை உலக பிரபலங்களும் இரங்கல் தெரிவித்தனர் என்பது குறிப்பிடத்தக்கது.

மேலும் நடிகர், நடிகைகள், பாடகர்கள், இசையமைப்பாளர்கள் பலர் ஏஆர் ரஹ்மானின் தாயாருக்கு நேரில் அஞ்சலி செலுத்தினர் என்பதும் இது குறித்த புகைப்படங்கள் சமூக வலைதளங்களில் வைரல் ஆனது என்பதும் குறிப்பிடத்தக்கது.

இந்த நிலையில் ஏஆர் ரஹ்மானின் தாயார் மறைவிற்கு இந்திய கிரிக்கெட் அணியின் முன்னாள் வீரர் சச்சின் டெண்டுல்கர் தனது டுவிட்டரில் இரங்கல் தெரிவித்துள்ளார். உங்கள் தாயின் மறைவுக்கு எனது ஆழ்ந்த இரங்கல். பெற்றோரின் இழப்பு என்பது ஒருவரின் வாழ்க்கையின் மிகவும் சோதனை கட்டங்களில் ஒன்றாகும். உங்களுக்கும் உங்கள் குடும்பத்தினருக்கும் எனது உண்மையான பிரார்த்தனைகளும் அனுதாபங்களும் உள்ளன’ என்று குறிப்பிட்டுள்ளார்.

Deepest condolences on your mother's demise, @arrahman. ????
The loss of a parent is one of the most testing phases of one's life.

My sincere prayers & sympathies are with you and your family.

— Sachin Tendulkar (@sachin_rt) December 28, 2020