close
Choose your channels

శివగామితో సాయితేజ్ పోరు

Thursday, April 2, 2020 • తెలుగు Comments

శివగామితో సాయితేజ్ పోరు

గత ఏడాది విడుద‌లైన ప్ర‌తిరోజూ పండ‌గే చిత్రంతో త‌న కెరీర్ బెస్ట్ హిట్‌ను అందుకున్నాడు సాయితేజ్. ఇప్పుడు ఈ మెగాక్యాంప్ హీరో 'సోలో బ్రతుకే సో బెటర్'లో నటిస్తున్నాడు. యూత్ ఫుల్ ఎంటర్ టైనర్ గా తెరకెక్కుతున్న ఈ సినిమా మే 1న రిలీజ్ కానుంది.రీసెంట్గా దేవా కట్టా దర్శకత్వంలో సినిమాను స్టార్ట్ చేసిన సంగతి తెలిసిందే. రాజకీయ నేపథ్యంలో తెరకెక్కుతోన్న ఈ చిత్రంలో సీనియ‌ర్ న‌టి ర‌మ్య‌కృష్ణ నెగెటివ్ ట‌చ్ ఉన్న పాత్ర‌లో న‌టిస్తుంద‌ని వార్త‌లు విన‌ప‌డ్డాయి. లేటెస్ట్ స‌మాచారం ప్ర‌కారం.. ర‌మ్య‌కృష్ణ ముఖ్య‌మంత్రి పాత్ర‌లో న‌టిస్తుంటే.. విద్యావ్య‌వ‌స్థ‌లో త‌ప్పుల్ని ఎత్తి చూపించే విద్యార్థి నాయ‌కుడు పాత్ర‌లో సాయితేజ్ క‌న‌ప‌డ‌తాడ‌ట‌. త‌న పాత్ర పూర్తి ఇన్‌టెన్స్‌తో సాగుతుంద‌ని అంటున్నారు.

ఈ చిత్రంలో నివేదా పేతురాజ్ హీరోయిన్‌గా న‌టిస్తుంది. చిత్ర‌ల‌హ‌రి చిత్రం త‌ర్వాత సాయితేజ్‌, నివేదా పేతురాజ్ క‌లిసి న‌టిస్తోన్న చిత్ర‌మిది. అలాగే ఈ చిత్రంలో మ‌రో కీల‌క పాత్ర‌లో రాశీఖ‌న్నా న‌టిస్తుంద‌ని వార్త‌లు విన‌ప‌డుతున్నాయి. చాలా గ్యాప్ త‌ర్వాత దేవా క‌ట్టా తెర‌కెక్కిస్తోన్న చిత్ర‌మిది. పుల్లారావు, భ‌గ‌వాన్ ఈ చిత్రాన్ని నిర్మిస్తున్నారు. ఈ సినిమాతో పాటు వీరుపోట్ల ద‌ర్శ‌క‌త్వంలో న‌టించ‌డానికి సాయితేజ్ ఓకే చెప్పాడ‌ని కూడా వార్త‌లు విన‌ప‌డుత‌న్నాయి.

Get Breaking News Alerts From IndiaGlitz