அல்லு அர்ஜுன் நடிப்பில், அட்லி இயக்கத்தில் உருவாகும் புதிய திரைப்படத்தை சன் பிக்சர்ஸ் நிறுவனம் தயாரிக்க இருப்பதாக நேற்று அதிகாரபூர்வமாக அறிவிக்கப்பட்டது. அதனுடன் வெளியான அறிவிப்பு வீடியோ ரசிகர்களிடம் பெரும் வரவேற்பை பெற்றுள்ளது. இதன் மூலம் படத்தின் எதிர்பார்ப்பு உச்ச நிலையை எட்டியுள்ளது.

இந்த திரைப்படத்தின் பட்ஜெட் சுமார் ரூ.600 கோடி எனக் கூறப்படுகின்றது. மேலும், இது தமிழில் இதுவரை வெளியாகாத வித்தியாசமான சயின்ஸ் பிக்ஷன் கதையம்சத்துடன் உருவாக உள்ளதாக தகவல்கள் தெரிவிக்கின்றன. இதனால் ரசிகர்கள் மட்டுமின்றி திரையுலக பிரபலங்கள் மத்தியிலும் பெரும் எதிர்பார்ப்பு உருவாகியுள்ளது.

இந்நிலையில், பல திரையுலக பிரபலங்கள் இப்படத்துக்கு வாழ்த்துக்களை தெரிவித்து வருகின்றனர். அவர்களில் முக்கியமானவர் அட்லியின் நெருக்கமான தோழி, நடிகை சமந்தா தனது இன்ஸ்டாகிராம் பக்கத்தில் இதுகுறித்து பகிர்ந்துள்ளார். அவர் அளித்த வாழ்த்து பதிவு பின்வருமாறு:

"மீண்டும் ஒரு வருடம், எனக்கு இந்த அபாரமான நடிகரின் அடுத்தடுத்த வளர்ச்சியை காண பொறுமையாக இருக்க முடியவில்லை. திரையில் உங்களை பார்ப்பது எப்போதும் ஒரு இன்ப அதிர்ச்சி. உங்கள் எல்லைகளை தாண்டி ஒவ்வொரு முறையும் நீங்கள் அளிக்கும் பங்களிப்புக்கு நன்றி. உங்கள் ஆரோக்கியம் நன்றாகவும், உங்கள் ஆற்றல் குறையாமல் இருந்து, நீங்கள் நேசிக்கும் காரியங்களை தொடர்ந்து செய்ய இறைவன் உங்களை ஆசீர்வதிக்கட்டும்!" என்று பதிவு செய்துள்ளார்.

சமந்தாவின் இந்த பதிவு அல்லு அர்ஜுன் ரசிகர்களிடையே வைரலாக பரவியுள்ளதுடன், அவர்களும் தங்களுடைய நன்றிகளை தெரிவித்து வருகின்றனர்.