நயன்தாராவை பாராட்டிய சமந்தா! ஏன் தெரியுமா?
- IndiaGlitz, [Wednesday,July 11 2018]
லேடி சூப்பர் ஸ்டார் நயன்தாரா நடித்த 'கோலமாவு கோகிலா' படத்தின் டிரைலர் மற்றும் 'எனக்கு கல்யாண ஆசை வந்துருச்சு' சிங்கிள் பாடல் மிகபெரிய ஹிட்டாகியுள்ளது என்பது தெரிந்ததே. கடந்த 5ஆம் தேதி வெளியான இந்த டிரைலரை இதுவரை சுமார் 38 லட்சம் பேர் யூடியூபில் கண்டுகளித்துள்ளனர். அதேபோல் சிங்கிள் பாடல்களை பார்த்தவர்களின் எண்ணிக்கையும் 3 கோடியை தாண்டிவிட்டது.
இந்த நிலையில் நடிகை சமந்தா தனது சமூக வலைத்தளத்தில் 'கோலமாவு கோகிலா' படத்தின் டிரைலருக்கு பாராட்டு தெரிவித்துள்ளார். 'இந்த பாராட்டு கொஞ்சம் தாமதம் தான் என்பது எனக்கு தெரியும். இருப்பினும் 'கோலமாவு கோகிலா' படத்தின் டிரைலர் அபாரமாக உள்ளாது. இந்த படத்தை திரையில் காண ஆர்வத்துடன் உள்ளேன். இந்த படத்தின் குழுவுக்கு எனது வாழ்த்துக்கள். குறிப்பாக நயன்தாராவின் தைரியத்தை பாராட்டுகிறேன்' என்று குறிப்பிட்டுள்ளார்.
போதை பொருள் கடத்தல் குறித்த கதையம்சம் உள்ள இந்த படத்தில் நயன்தாரா, ஜாக்லின், யோகி பாபு, சரண்யா பொன்வண்ணன், அறந்தாங்கி நிஷா, நவீன் குமார், கலாநிதிமாறன் உள்ளிட்ட பலர் நடித்துள்ளனர். லைகா புரொடக்ஷன்ஸ் தயாரித்துள்ள இந்த படத்திற்கு அனிருத் இசையமைத்திருக்கிறார்.