தற்காலிகமாக குடியிருப்பு இடத்தை மாற்றிய சமந்தா: என்ன காரணம்?
- IndiaGlitz, [Thursday,March 17 2022]
தமிழ் தெலுங்கு திரையுலகின் முன்னணி நடிகைகளில் ஒருவரான சமந்தா தற்காலிகமாக தனது குடியிருப்பு இடத்தை மாற்றி இருப்பதாக தகவல் வெளியாகியுள்ளன.
நடிகை சமந்தா தற்போது தெலுங்கில் உருவாகி வரும் ’யசோதா’ என்ற திரைப்படத்தில் நடித்து வருகிறார் என்பதும் இந்த படத்திற்காக கோடிக்கணக்கான ரூபாய் செலவு செய்து ஐந்து நட்சத்திர ஹோட்டல் போன்ற ஸ்டேட் போடப்பட்டது என்பதை ஏற்கனவே பார்த்தோம்.
இந்த படத்தின் இயக்குனர்கள் இரவு பகலாக இந்த படத்தின் பணிகளில் இருக்கும் நிலையில் சமந்தாவும் இந்த படத்தில் ஒன்றிப் போய் உள்ளார் என்றும் அதற்காகவே தனது இருப்பிடத்தை படப்பிடிப்பு தளமான 5 நட்சத்திர செட்டுக்கு தற்காலிகமாக மாற்றி உள்ளார் என்றும் கூறப்படுகிறது.
இன்னும் மூன்று மாதங்களுக்கு ’யசோதா’ படப்பிடிப்பில் எளிதீல் கலந்து கொள்வதற்காக அவர் பைவ் ஸ்டார் ஹோட்டல் செட்டில் தான் இருப்பார் என்று கூறப்படுகிறது.
சமந்தாவுடன் வரலட்சுமி, உன்னி முகுந்தன் ஆகியோர் முக்கிய வேடங்களில் நடித்து வருகின்றனர் என்பதும் மணிசர்மா இசையமைத்து வரும் இந்த படத்திற்கு சுகுமார் ஒளிப்பதிவு செய்து வருகிறார் என்பதும் குறிப்பிடத்தக்கது. இந்த படத்தை ஹரிசங்கர் மற்றும் ஹரிஷ் இயக்கி வருகின்றனர்.