விக்னேஷ் சிவன், நயன்தாராவுக்கு வாழ்த்து தெரிவித்த சமந்தா!
- IndiaGlitz, [Tuesday,October 26 2021]
இயக்குனர் விக்னேஷ் சிவன் மற்றும் நடிகை நயன்தாரா ஆகிய இருவரும் விரைவில் திருமணம் செய்து கொள்வார்கள் என்று எதிர்பார்க்கப்படும் நிலையில் நடிகை சமந்தா இருவருக்கும் வாழ்த்து தெரிவித்து தனது சமூக வலைத்தளத்தில் பதிவு செய்துள்ளார்.
நடிகை நயன்தாரா மற்றும் விக்னேஷ் சிவனின் ரவுடி பிக்சர்ஸ் நிறுவனத்தின் ’கூழாங்கல்’ என்ற திரைப்படம் சமீபத்தில் ஆஸ்கார் விருதுக்கு தேர்வு செய்யப்பட்டுள்ளது என்பது தெரிந்ததே. இந்த படம் ஆஸ்கார் விருதை வெல்ல அதிக வாய்ப்பு இருப்பதாக கூறப்படும் நிலையில் பல்வேறு திரையுலகினர் வாழ்த்துக்களை தெரிவித்து வருகின்றனர்.
இந்த நிலையில் நடிகை சமந்தா தனது சமூக வலைதளப் பக்கத்தில் ’கூழாங்கல்’ திரைப்படம் ஆஸ்கார் விருதுக்கு தேர்வு பெற்றதற்கு தனது வாழ்த்தினை தெரிவித்துள்ளார். விக்னேஷ் சிவன் மற்றும் நயன்தாரா ஆகியோர்களுக்கு தனது வாழ்த்துக்கள் என்றும் ’கூழங்கல்’ திரைப்படக்குழுவினர் களுக்கும் தனது வாழ்த்துக்கள் என்றும் சமந்தா தெரிவித்துள்ளார். இந்த பதிவு தற்போது வைரலாகி வருகிறது என்பது குறிப்பிடத்தக்கது.
பிஎஸ் வினோத் குமார் இயக்கத்தில் உருவாகியுள்ள ’கூழாங்கல்’ திரைப்படம் ஏற்கனவே பல்வேறு விருதுகளை பெற்றுள்ள நிலையில் ஆஸ்கர் விருதையும் வெல்லுமா என்பதை பொறுத்திருந்து பார்ப்போம்.