அஜித்தின் 'விவேகம்' படத்தை பாராட்டிய சஞ்சய்தத்
- IndiaGlitz, [Monday,September 18 2017]
தல அஜித் நடித்த 'விவேகம்' திரைப்படம் எதிர்மறை விமர்சனங்களை அடித்து நொறுக்கி நல்ல வசூலை பெற்றது என்பது அறிந்ததே. இந்த நிலையில் இந்த படத்திற்கு ஏற்கனவே கோலிவுட் திரையுலக பிரபலங்கள் முதல் இந்திய பிரபலங்கள் வரை பாராட்டியுள்ளனர்.
இந்த நிலையில் கடந்த 35 ஆண்டுகளாக பாலிவுட் திரையுலகில் கொடிகட்டி பறக்கும் பிரபல நடிகர் சஞ்சய்தத் சமீபத்தில் அளித்த பேட்டி ஒன்றில் அஜித்தின் 'விவேகம்' படத்தை பாராட்டியுள்ளார். சமீபத்தில் 'விவேகம்' படத்தின் டிரைலரை பார்த்ததாகவும், இந்த படம் உருவான விதம் குறித்து தன்னால் நம்பவே முடியவில்லை என்றும் கூறினார்.
மேலும் தமிழ், தெலுங்கு திரையுலகினர்கள் சினிமா உருவாக்கும் விதம் குறித்து நாம் இன்னும் சிந்திக்கவே இல்லை என்றும் குறிப்பாக பாகுபலி 2' படத்தின் உருவாக்கம் மிக அருமை என்று கூறிய சஞ்சய்தத், இதுமாதிரியான திரைப்படங்கள் பாலிவுட்டிலும் உருவாக வேண்டும் என்று விருப்பம் தெரிவித்தார்.