సంజన గుట్టు విప్పింది
- IndiaGlitz, [Thursday,July 20 2017]
దండుపాళ్యం 2లో సంజన వివ‌స్త్ర‌గా న‌టించింద‌నే వార్త‌లు, కొన్ని ఫోటోలు సోష‌ల్ నెట్‌వ‌ర్కింగ్ సైట్ల‌లో క‌నిపిస్తున్నాయి. అవేమీ త‌న‌కు సంబంధించిన‌వి కావ‌ని చెప్పింది సంజన. దండుపాళ్యం 2 శుక్ర‌వారం విడుద‌ల కానుంది. ఈ సినిమాలోనే సంజన న్యూడ్‌గా న‌టించిన‌ట్టు వార్త‌లొచ్చాయి. వాటి గురించి ఆమె మాట్లాడుతూ ''సినిమా క‌థ చెప్పేట‌ప్పుడే నాకు ద‌ర్శ‌కుడు ఈ స‌న్నివేశాల‌ను గురించి చెప్పారు.
అయితే వాటిలో నేను చేయాల్సిన అవ‌స‌రం లేదని, డూప్‌తో చేయించుకుంటాన‌ని వారు తెలిపారు. ఆ ప్ర‌కార‌మే చేసిన‌ట్టున్నారు. అయితే ఆ స‌న్నివేశాల‌ను కూడా తొలగించార‌ని తెలిసింది. కేవ‌లం ద‌ర్శ‌క,నిర్మాత‌ల మ‌ధ్య ర‌హ‌స్యంగా ఉన్న ఈ దృశ్యాలు ఎలా లీక‌య్యాయో కూడా అర్థం కావ‌డం లేదు. అయినా వాటిలో ఉన్న‌ది నేను కాదు. ఈ విష‌యాన్ని సైట్ల‌లో చూసి చాలా బాధ క‌లిగింది'' అని వివ‌రించింది.