close
Choose your channels

நான் பஞ்சாயத்து பண்ண வரல்ல: தல, தளபதி சண்டை குறித்து சாந்தனு

Saturday, April 18, 2020 • தமிழ் Comments

கொரோனா பரபரப்பு நேரத்தில் தல அஜித் ரசிகர்களும், தளபதி விஜய் ரசிகர்களும் டுவிட்டரில் நெகட்டிவ் டேக் போட்டு சண்டை போட்டு வருவதை நடிகை கஸ்தூரி உள்பட பலர் கண்டித்து வருகின்றனர். இருப்பினும் இந்த டுவிட்டர் சண்டை இன்னும் நிற்காமல் தொடர்ந்து நீடித்து வருகிறது

இந்த நிலையில் இதுகுறித்து தளபதி விஜய்யின் தீவிர ரசிகரும், நடிகருமான சாந்தனு தனது டுவிட்டரில், ‘இங்க நான் ஒண்ணும் பஞ்சாயத்து பண்ண வரல்ல. அது என் வேலையும் இல்லை. ஆனால் இருதரப்புக்கும் என்னால் முடிந்த ஒரு அறிவுரை. யாரும் யாரையும் விட்டு கொடுக்க வேண்டாம். தளபதி ரசிகர்கள் ட்ரோல்லை ஆரம்பித்து இருந்தால், தல ரசிகர்களுக்கு எனது வேண்டுகோளாக அதை கண்டுகொள்ளாமல் மறந்துவிடும்படி கேட்டு கொள்கிறேன். அதேபோல் ஒருவேளை தல ரசிகர்கள் ஆரம்பித்து இருந்தால், தளபதி ரசிகர்கள் அதனை கண்டுகொள்ளாமல் மறந்துவிடவும். பதிலுக்கு பதில் கூறினால் பிரச்சனை வளர்ந்து கொண்டேதான் போகும்’ என்று கூறியுள்ளார்.

ஆனால் சாந்தனுவின் அறிவுரையை கேட்கும் மனநிலையில் இருதரப்பினர்களும் இல்லை என்பது இந்த டுவிட்டுக்கு பதிவாகி வரும் இருதரப்பினர்களின் கமெண்டுக்களில் இருந்து தெரிய வருகிறது

Get Breaking News Alerts From IndiaGlitz