குண்டு உடல் பிரச்சனை: சரண்யா மோகனின் கணவரும் பதிலடி
- IndiaGlitz, [Friday,June 09 2017]
வேலாயுதம், யாரடி நீ மோகினி, அப்புக்குட்டி, வெண்ணிலா கபடிக்குழு உள்பட பல படங்களில் நடித்த நடிகை சரண்யா மோகனின் சமீபத்திய புகைப்படம் கடந்த இரண்டு நாட்களுக்கு முன் இணையதளங்களில் வெளியானது. நடிக்கும்போது ஸ்லிம் ஆக இருந்த சரண்யா மோகன், இந்த படத்தில் குண்டாக இருந்ததை கண்ட நெட்டிசன்கள் அவரை கேலியும் கிண்டலும் செய்தனர்.
இதற்கு பதிலடி கொடுக்கும் வகையில் சரண்யா மோகன் தனது சமூக வலைத்தளத்தில் பதிலளித்தார் என்பதை நேற்று பார்த்தோம். சரண்யாவில் பதிலுக்கு நல்ல வரவேற்பு இருந்த நிலையில் இன்று சரண்யாவின் கணவர் டாக்டர் அரவிந்த் கிருஷ்ண்ன் அவர்களும் தனது சமூக வலைத்தளத்தில் நெட்டிசன்களுக்கு பதிலடி கொடுத்துள்ளார்.
அவர் கூறியதாவது: நாட்டில் எத்தனையோ முக்கிய பிரச்சனைகள் இருக்கும்போது சரண்யா வெயிட் போட்டது முக்கியமான பிரச்சனை இல்லை. என் மனைவி திருமணத்திற்கு பிறகு நடிக்கவில்லை. அதை நான் பாராட்டுகிறேன். அவர் தாயான பிறகு வெயிட் போட்டதை கிண்டல் செய்பவர்களுக்கு நல்ல எண்ணம் இல்லை என்று அவர் தனது சமூக வலைத்தளத்தில் மலையாளத்தில் பதிவு செய்துள்ளார்.