ஒரே நாளில் தொடர்ச்சியாக 8 காட்சிகள்: 'சர்கார்' சாதனைகள்
- IndiaGlitz, [Saturday,November 03 2018]
பெரிய நடிகர்களின் படங்கள் ரிலீஸ் ஆகும்போது கூடுதலான காட்சிகள் திரையிடப்படுவது வழக்கமான ஒன்றே. இருப்பினும் அதிகாலை காட்சியை சேர்த்து அதிகபட்சம் ஆறு காட்சிகள் மட்டுமே இதுவரை திரையிடப்பட்டுள்ளதை நாம் கேள்விப்பட்டுள்ளோம். ஆனால் கேரளாவில் உள்ள ஒரு திரையங்கில் தொடர்ச்சியாக ஒரே நாளில் 8 காட்சிகள் அதாவது 24 மணி நேரமும் 'சர்கார்' திரைப்படம் திரையிடப்படவுள்ளதாக செய்திகள் வெளிவந்துள்ளது.
ஆம், கேரள தலைநகர் திருவனந்தபுரத்தில் உள்ள ஒரு தியேட்டரில் நவம்பர் 6ஆம் தேதி காலை 5 மணிக்கு தொடங்கும் காட்சி, மறுநாள் அதிகாலை 5 மணி வரை தொடர்ந்து எட்டு காட்சிகள் திரையிடப்படுகிறது.
விஜய்யின் கோட்டைகளில் ஒன்று கேரளா என்பதை நேற்று 175 அடி கட் அவுட் வைத்து மீண்டும் விஜய் ரசிகர்கள் நிரூபித்த நிலையில் தற்போது ஒரே நாளில் எட்டு காட்சிகள் திரையிட்டு விஜய் ரசிகர்களுக்கு இன்ப அதிர்ச்சியும் கொடுக்கப்பட்டுள்ளது.