திமுக, அதிமுகவை வம்புக்கிழுக்கும் சர்கார்' ரசிகர்கள்
- IndiaGlitz, [Tuesday,October 23 2018]
தளபதி விஜய் நடித்த 'சர்கார்' படத்தின் இசை வெளியீட்டு விழாவில், விஜய் பேசிய ஒருசில கருத்துக்கள் தமிழக அரசியல்வாதிகளுக்கு கிலியை ஏற்படுத்தியது. இதனால் கிட்டத்தட்ட அனைத்து கட்சிகளின் அரசியல்வாதிகளும் விஜய் குறித்தும் சர்கார்' படம் குறித்தும் விமர்சனம் செய்தனர்,
இந்த நிலையில் மதுரை மாவட்டட விஜய் ரசிகர்கள் அடித்துள்ள போஸ்டர் ஒன்று பெரும் பரபரப்பை ஏற்படுத்தியுள்ளது. அந்த போஸ்டரில் 'தமிழக மக்களின் மீது அக்கறை இல்லாத ஆளுங்கட்சி, எதற்கும் உதவாத எதிர்க்கட்சி, அமையட்டும் தளபதியின் சர்கார் நல்லாட்சி என்ற வாசகங்கள் உள்ளது.
'சர்கார்' படத்தின் தயாரிப்பாளர் எதிர்க்கட்சிக்கு நெருக்கமானவர் என்று தெரிந்தும் எதிர்க்கட்சியையும் சேர்த்து 'சர்கார்' ரசிகர்கள் விமர்சனம் செய்து போஸ்டர் ஒட்டியுள்ளது பெரும் பரபரப்பை ஏற்படுத்தியுள்ளது. திமுக, அதிமுக என இரண்டு கட்சிகளையும் விஜய் ரசிகர்கள் வம்புக்கிழுத்துள்ளதால் இரு கட்சி அரசியல்வாதிகளின் ரியாக்சன் எப்படி இருக்கும் என்பதை பொறுத்திருந்து பார்ப்போம்