close
Choose your channels

ரஜினி, முருகதாஸ் மீது வழக்கு: சசிகலா வழக்கறிஞர் எச்சரிக்கை

Thursday, January 9, 2020 • தமிழ் Comments

சூப்பர் ஸ்டார் ரஜினிகாந்த் நடிப்பில் இயக்குநர் ஏஆர் முருகதாஸ் இயக்கத்தில் அனிருத் இசையில் உருவாகியிருக்கும் ’தர்பார்’ திரைப்படத்தின் திரைப்படம் இன்று உலகம் முழுவதும் வெளியாகி பெரும்பாலான பாசிட்டிவ் விமர்சனங்கள் வெளிவந்து கொண்டு இருக்கின்றன. இதனையடுத்து இந்த படம் ரஜினிக்கு மேலும் ஒரு வெற்றி படமாக இருக்கும் என கருதப்படுகிறது 

இந்த நிலையில் இந்த படத்தில் சசிகலாவை மறைமுகமாக தாக்கும் வசனம் இருப்பதாக சமூகவலைதளங்களில் செய்திகள் வெளியாகியது. இது குறித்து அமைச்சர் ஜெயக்குமார் அவர்களும் ஒரு பரபரப்பான கருத்தை தெரிவித்தார் என்பதை ஏற்கனவே பார்த்தோம்

இந்த நிலையில் ’தர்பார்’ திரைப்படத்தில் சசிகலா குறித்த வசனம் இருப்பதாகவும், அந்த குறிப்பிட்ட அந்த வசனத்தை நீக்காவிட்டால் ரஜினி மற்றும் இயக்குனர் முருகதாஸ் மீது வழக்கு தொடரப்படும் என்றும் சசிகலா வழக்கறிஞர் ராஜா செந்தூர் பாண்டியன் எச்சரித்துள்ளார்

வழக்கறிஞரின் இந்த எச்சரிக்கைக்கு படக்குழுவினர் என்ன முடிவு எடுக்கப் போகிறார்கள் என்பதை பொறுத்திருந்து பார்ப்போம். முருகதாஸ் இயக்கிய முந்தைய திரைப்படமான ‘சர்கார்’ திரைப்படத்திற்கும்  இதேபோன்ற எச்சரிக்கைகள் எழுந்தன என்பது குறிப்பிடத்தக்கது

Get Breaking News Alerts From IndiaGlitz