சிங்கம் படம் பார்த்தியா? நம்ம சிவகுமார் பையன் சூர்யா நடிச்சது.. 'சத்திய சோதனை' டிரைலர்..!
- IndiaGlitz, [Tuesday,July 11 2023]
’ஒரு கிடாயின் கருணை மனு’ என்ற திரைப்படத்தை இயக்கிய இயக்குனர் சுரேஷ் சங்கையா’ இயக்கத்தில் உருவாகிய திரைப்படம் ’சத்திய சோதனை’. இந்த படத்தின் படப்பிடிப்பு மற்றும் தொழில்நுட்ப பணிகள் முடிவடைந்து ரிலீசுக்கு தயாராக இருக்கும் நிலையில் இந்த படத்தின் டிரைலர் வெளியாகி இணையத்தில் வைரல் ஆகி வருகிறது.
கிராமம் ஒன்றில் மர்மமான முறையில் நடக்கும் கொலையை தற்செயலாக பார்க்கும் பிரேம்ஜியை அவர்தான் கொலை செய்தார் என போலீசார் பிடித்து வைத்துக் கொள்கின்றனர். அந்த கொலை பழியில் இருந்து பிரேம்ஜி தப்பித்தாரா? உண்மையான கொலையாளிகள் பிடிபட்டார்களா? என்பதை காமெடி கலந்த திகில் படமாக இயக்குனர் சங்கையா இந்த படத்தை இயக்கி உள்ளார்.
பிரேம்ஜி, ரேஷ்மா, ஹரிதா உள்ளிட்ட, கேஜி மோகன், செல்வ முருகன், லட்சுமி உள்பட பலர் நடித்துள்ள இந்த படத்திற்கு ரகுராம் இசையமைத்துள்ளார். சரண் ஒளிப்பதிவில் வெங்கட்ராஜன் படத்தொகுப்பில் உருவாகிய இந்த படம் வரும் 21ஆம் தேதி திரையரங்குகளில் வெளியாக உள்ளது என்பது குறிப்பிடத்தக்கது.