தனுஷ் ரசிகர்களுக்கு டபுள் விருந்து கொடுத்த 'விஸ்வாசம்' தயாரிப்பாளர்
- IndiaGlitz, [Wednesday,January 02 2019]
சத்யஜோதி பிலிம்ஸ் நிறுவனத்தின் தயாரிப்பில் தல அஜித் நடித்துள்ள 'விஸ்வாசம்' திரைப்படம் உலகம் முழுவதும் வரும் 10ஆம் தேதி வெளியாகவுள்ளது. இந்த படம் அஜித் ரசிகர்களை மட்டுமின்றி குடும்ப ஆடியன்ஸ்களையும் கவரும் என்று எதிர்பார்க்கப்படுவதால் மிகப்பெரிய ஓப்பனிங் வசூல் மற்றும் சாதனை வசூல் செய்யும் என எதிர்பார்க்கப்படுகிறது.
இந்த நிலையில் 'விஸ்வாசம்' படத்தின் தயாரிப்பு நிறுவனமான சத்யஜோதி பிலிம்ஸ் நிறுவனம் அடுத்ததாக தனுஷ் நடிக்கும் இரண்டு படங்களை தயாரிக்கவிருப்பதாக அதிகாரபூர்வமாக அறிவித்துள்ளது.
முதல் படத்தில் தனுஷ் நடிக்க இந்த படத்தை துரை செந்தில்குமார் இயக்கவுள்ளார். இவர் ஏற்கனவே 'எதிர்நீச்சல்', 'காக்கி சட்டை மற்றும் 'கொடி 'படங்களை இயக்கியவர் என்பது குறிப்பிடத்தக்கது. இந்த படத்திற்கு விவேக்-மெர்வின் இசையமைக்க உள்ளனர். அதேபோல் தனுஷ் நடிப்பில் சத்யஜோதி நிறுவனம் தயாரிக்கவிருக்கும் அடுத்த படத்தை 'ராட்சசன்' பட இயக்குனர் ராம்குமார் இயக்கவுள்ளார்.
அஜித் நடித்த 'விவேகம்', 'விஸ்வாசம்' படங்களை தொடர்ந்து தயாரித்த சத்யஜோதி பிலிம்ஸ் நிறுவனம் அடுத்ததாக தனுஷ் நடிக்கும் இரண்டு படங்களை தயாரிக்கவுள்ளது என்பது குறிப்பிடத்தக்கது.