close
Choose your channels

చిరు సోద‌రి పాత్ర‌లో మ‌రోసారి ఆ సీనియ‌ర్ హీరోయిన్‌

Tuesday, June 30, 2020 • తెలుగు Comments

చిరు సోద‌రి పాత్ర‌లో మ‌రోసారి ఆ సీనియ‌ర్ హీరోయిన్‌

మెగాస్టార్ చిరంజీవి 153వ చిత్రంగా మ‌ల‌యాళ చిత్రం ‘లూసిఫ‌ర్’ రీమేక్ కానున్న సంగ‌తి తెలిసిందే. సుజిత్ ఈ రీమేక్‌ను తెర‌కెక్కించ‌నున్నాడు. ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. ఈ సినిమాలో చిరంజీవి పాత్ర‌తో పాటు నాలుగుపాత్ర‌లు క‌థ‌లో చాలా కీల‌కంగా ఉంటాయి. అందులో చిరు సోద‌రి పాత్ర ఒక‌టి. ఈ పాత్ర‌లో ఎవ‌రు న‌టిస్తారు? అనేది సినీ వ‌ర్గాల్లో చర్చ‌గా మారింది. చాలా మంది హీరోయిన్స్ పేర్లు విన‌ప‌డుతున్నాయి. రీసెంట్‌గా సుహాసిని పేరు కూడా విన‌ప‌డింది.

చిరు సోద‌రి పాత్ర‌లో మ‌రోసారి ఆ సీనియ‌ర్ హీరోయిన్‌

అయితే తాజా స‌మాచారం మేర‌కు చిరు సోద‌రి పాత్ర‌లో ఖుష్బూ న‌టించ‌నున్నార‌ని వార్త‌లు విన‌ప‌డుతున్నాయి. గ‌తంలో వీరిద్ద‌రూ అక్కా, త‌మ్ముడు పాత్ర‌లో స్టాలిన్ సినిమాలో న‌టించారు. అంతా ఓకే అయితే ఇప్పుడు అన్నా, చెల్లెలుగా న‌టించ‌బోతున్నారట‌. క‌రోనా ప‌రిస్థితులు చ‌క్క‌బ‌డ‌గానే చిరంజీవి త‌న 152వ చిత్రం ‘ఆచార్య‌’ను పూర్తి చేసి త‌దుప‌రి లూసిఫ‌ర్ రీమేక్‌పై ఫోక‌స్ పెట్ట‌బోతున్నార‌ట‌. మ‌ల‌యాళంలో పృథ్వీరాజ్ పోషించిన పాత్ర‌ను తెలుగులో రానా పోషించే అవ‌కాశం ఉంద‌ని అంటున్నారు. మ‌రి చిరు సోద‌రుడు, ఖుష్బూ భ‌ర్త పాత్ర కూడా క‌థ‌లో చాలా కీలకంగా ఉండ‌నున్నాయి. మ‌రి ఈ పాత్ర‌ల‌ను ఎవ‌రు క్యారీ చేస్తార‌నేది ఆస‌క్తిక‌రంగా మారింది.

Get Breaking News Alerts From IndiaGlitz