టాలీవుడ్ యంగ్ హీరోస్‌లో ఒక‌రైనా నాగ‌చైత‌న్య అక్కినేని వ‌రుస ప్రాజెక్ట్స్‌తో బిజీ బిజీగా ఉన్నాడు. తాజా సినీ వ‌ర్గాల క‌థ‌నాల మేర‌కు ఈ హీరో మ‌రో కొత్త ప్రాజెక్ట్‌కు ఓకే చెప్పార‌ని, ఆ ప్రాజెక్ట్‌ను ఓ సీనియ‌ర్ హీరో డైరెక్ట్ చేస్తార‌ని వార్త‌లు వినిపిస్తున్నాయి. ఇంత‌కూ ఆ సీనియ‌ర్ హీరో ఎవ‌రో కాదు.. అర్జున్‌. హీరో, నిర్మాత‌, ద‌ర్శ‌కుడైన అర్జున్ ఇప్ప‌టికే కొన్ని విజ‌య‌వంత‌మైన సినిమాల‌ను డైరెక్ట్ చేసిన సంగ‌తి తెలిసిందే. రీసెంట్‌గా ఈయ‌న చైత‌న్య‌కు ఓ స్టోరిని వినిపించాడ‌ట‌. చైత‌న్య‌కు కూడా స్క్రిప్ట్ బాగా న‌చ్చ‌డంతో సినిమా చేయ‌డానికి త‌ను ఓకే అన్నాడ‌ని టాక్ వినిపిస్తోంది. మ‌రి ఈ సినిమా ఎప్పుడు సెట్స్‌పైకి వస్తుందోన‌నేది ఆస‌క్తిక‌రంగా మారింది.

ప్ర‌స్తుతం శేఖ‌ర్ క‌మ్ముల ద‌ర్శ‌క‌త్వంలో సాయిప‌ల్ల‌వితో క‌లిసి `ల‌వ్‌స్టోరి` సినిమా చేస్తున్న సంగ‌తి తెలిసిందే. ఇది పూర్తి కాగానే దిల్‌రాజు శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై విక్రమ్ కుమార్ ద‌ర్శ‌క‌త్వంలో `థాంక్యూ` సినిమాలో న‌టించ‌బోతున్నారు. మ‌రో వైపు చైత‌న్య నిర్మాణంలోనూ పూర్తిస్థాయిలో దిగ‌బోతున్న‌ట్లు ఇప్ప‌టికే అందుకు సంబంధించిన ప‌నులు చ‌క‌చ‌కా జ‌రుగుతున్నాయి. త్వ‌ర‌లోనే చైత‌న్య నిర్మాణ సంస్థ‌లో రానున్న సినిమా గురించిన ప్ర‌క‌ట‌న కూడా వెలువ‌డే అవ‌కాశం ఉంది.