తదుపరి సినిమాపై క్లారిటీ ఇచ్చిన సెన్సేషన్ డైరెక్టర్
- IndiaGlitz, [Wednesday,August 07 2019]
మహానటి సావిత్రి బయోపిక్ 'మహానటి' సెన్సేషనల్ హిట్ కావడంతో ఇండస్ట్రీలో అందరి దృష్టిని ఆకర్షించాడు డైరెక్టర్ నాగ్ అశ్విన్. 'ఎవడే సుబ్రమణ్యం'తో మంచి డైరెక్టర్‌గా పేరు తెచ్చుకున్న నాగి... 'మహానటి'తో టాప్ డైరెక్టర్ అయ్యాడు. స్టార్ హీరోలందరూ ఈయనతో కలిసి పనిచేయాలనుకున్నారు. కానీ నాగ్ అశ్విన్ ఏ మాత్రం తొందరపడలేదు. చాలా గ్యాప్ తీసుకున్న తర్వాత తదుపరి సినిమాను ప్రకటించాడు నాగ్ అశ్విన్. ఈ చిత్రంలో హీరో, హీరోయిన్ ఎవరనేది చెప్పలేదు కానీ.. తన సినిమా సెప్టెంబర్‌లో ప్రారంభం అవుతుందని పేర్కొన్న ఈ యువ దర్శకుడు తన సినిమా కోసం పనిచేయడానికి స్క్రిప్ట్ రైటర్స్, డిజైనర్స్ , విజువల్ ఆర్టిస్టులు కావాంటూ ప్రకటన కూడా ఇచ్చాడు. ఈ చిత్రాన్ని కూడా వైజయంతీ మూవీస్ నిర్మించనుంది.