கர்ப்பமான நிலையிலும் கோப்பையை வென்றாரா செரீனா வில்லியம்ஸ்?
- IndiaGlitz, [Thursday,April 20 2017]
உலகின் நம்பன் ஒன் டென்னிஸ் விளையாட்டு வீராங்கனையும் டென்னிஸ் உலக சூப்பர் ஸ்டாருமான செரீனா வில்லியம்ஸ் கர்ப்பமாகியுள்ளதாக செய்திகள் உறுதிப்படுத்துகின்றன. அவர் இந்த ஆண்டில் உள்ள டென்னிஸ் தொடர்களில் விளையாட மாட்டார் என்றும் அறிவிக்கப்பட்டுள்ளது.
கடந்த ஆண்டு டிசம்பர் மாதம் 29ஆம் தேதி செரீனா வில்லியம்ஸ் அவர்களுக்கும் பிரபல அமெரிக்க தொழிலதிபர் அலெக்ஸ் ஒஹானியன் என்பவருக்கும் திருமண நிச்சயதார்த்தம் நடந்தது. இந்த நிலையில் செரீனா வில்லியம்ஸ் தனது சமூக வலைத்தளத்தில் தனது பெருத்த வயிறுடன் கூடிய புகைப்படத்தை பதிவு செய்து '20 வாரங்கள்' என்று குறிப்பிட்டார். ஆனால் அந்த போஸ்ட்டை அவர் சில மணி நேரங்களில் நீக்கிவிட்டாலும் அவரது செய்தித்தொடர்பாளர், செரீனா கர்ப்பமாக இருப்பதை உறுதி செய்துள்ளார்.
செரினாவின் சமூகவலைத்தள செய்தியின்படி அவர் 20 வாரங்கள் கர்ப்பம் என்றால் சுமார் ஐந்து மாதங்கள் அவர் கர்ப்பமாக இருந்துள்ளார். ஆனால் கடந்த ஜனவரி மாதம் நடந்த ஆஸ்திரேலிய ஓபன் பட்டத்தில் கலந்து கொண்டு பட்டம் வென்றார். அப்படியெனில் அவர் ஒருமாதம் கர்ப்ப நிலையில் விளையாடியுள்ளார் என்பது குறிப்பிடத்தக்கது. கர்ப்பம் அடைந்த பெண்கள் முதல் மூன்று மாதங்கள் அலுங்காமல் குலுங்காமல் இருக்க வேண்டும் என்ற நிலையில் செரீனா வில்லியம்ஸ் கர்ப்ப நிலையில் இருந்து கொண்டே டென்னிஸ் விளையாடி கோப்பையையும் வென்றுள்ளார் என்றால் அவரது வில்பவர் எவ்வளவு என்பதை நீங்களே ஊகித்து கொள்ளுங்கள்.