'ஜவான்' வசூல் ஒரே நாளில் இத்தனை கோடியா? ரூ.1000 கோடி கன்ஃபர்ம்..!
- IndiaGlitz, [Friday,September 08 2023]
ஷாருக்கான், நயன்தாரா, விஜய் சேதுபதி நடிப்பில், அட்லி இயக்கத்தில், அனிருத் இசையில் உருவான ’ஜவான்’ திரைப்படம் நேற்று உலகம் முழுவதும் பிரம்மாண்டமாக வெளியான நிலையில் இந்த படத்திற்கு ஊடகங்கள், சமூக வலைதளங்கள் மற்றும் ரசிகர்கள் பாசிட்டிவ் விமர்சனங்களை குவித்தனர்
இந்த நிலையில் இந்த படத்தின் முதல் நாள் வசூல் குறித்த தகவல் வெளியாகி அனைவரையும் ஆச்சரியப்படுத்தி உள்ளது. நேற்று ஒரே நாளில் உலகம் முழுவதும் இந்த படம் ரூ.129 கோடி வசூல் செய்துள்ளதாக தகவல் வெளியாகியுள்ளது. இந்த தகவலை இயக்குனர் அட்லி தனது சமூக வலைத்தளத்தில் உறுதி செய்துள்ளார்,
இந்தியாவில் மட்டும் இந்த படம் 90 கோடி ரூபாய் வசூல் செய்துள்ளதாகவும் வெளிநாட்டில் 40 கோடி ரூபாய் வசூல் செய்துள்ளதாகவும் கூறப்படுகிறது. ஷாருக்கானின் முந்தைய படமான ‘பதான்’ உலகம் முழுவதும் 1000 கோடி ரூபாய் வசூல் செய்த நிலையில் இந்தப் படமும் அதே வசூலை எட்டிவிடும் என்று எதிர்பார்க்கப்படுகிறது.
வேலை நாளான நேற்றும், இன்றும் ஹவுஸ்ஃபுல் காட்சிகளாக ஜவான் ஓடிக்கொண்டிருக்க்கும் நிலையில் நாளை மற்றும் நாளை மறுநாள் சனி ஞாயிறு விடுமுறை என்பதால் இந்த இரு நாட்களில் மிகப்பெரிய வசூல் கிடைக்கும் என்று எதிர்பார்க்கப்படுகிறது.