ஹீரோவாகும் மற்றொரு பிக்பாஸ் போட்டியாளர்
- IndiaGlitz, [Friday,December 07 2018]
பிக்பாஸ் நிகழ்ச்சியில் கலந்து கொண்ட பலர் திரைத்துறையில் வாய்ப்புகள் பெற்று ஜொலித்து வருகின்றனர் என்பது தெரிந்ததே. குறிப்பாக ஹரிஷ் கல்யாண், ஆரவ், மகத், ஐஸ்வர்யா தத்தா, யாஷிகா, ஜூலி ஆகியோர் தற்போது திரைப்படங்களில் பிசியாக நடித்து வருகின்றனர்.
அந்த வகையில் தற்போது பிக்பாஸ் நிகழ்ச்சியில் கலந்து கொண்ட போட்டியாளர்களில் ஒருவரான ஷாரிக் ஹீரோவாகியுள்ளார். அவர் நடிக்கவுள்ள படத்தின் டைட்டில் 'உக்ரம்' என்பதும் இந்த படத்தை 'அட்டு' படத்தை இயக்கிய ரத்தின்லிங்கா இயக்கவுள்ளார் என்பதும் குறிப்பிடத்தக்கது.
ஷாரிக் நாயகனாக நடிக்கும் இந்த படத்தில் அவருக்கு ஜோடியாக மிஸ் குளோபல் பட்டம் பெற்ற மாடல் அழகி அர்ச்சனா ரவி நடிக்கிறார். வில்லனாக மலேசிய சிவா அறிமுகமாகிறார்.
சஸ்பென்ஸ் ஆக்ஷன் த்ரில்லராகப் படம் உருவாகவுள்ள இந்த படத்தின் படப்பிடிப்பு விரைவில் தொடங்கவுள்ளது. துரை K.C. ஒளிப்பதிவு செய்யும் இந்த படத்திற்கு வெங்கட், இசையமைக்கின்றார்.