అథ్లెటిక్ ఫిట్‌నెస్ కోసం..
- IndiaGlitz, [Saturday,August 11 2018]
బాలీవుడ్ హీరోయిన్ శ్రద్ధా కపూర్ తన కెరీర్‌ని ఎంతో ప్లానింగ్‌తో బిల్డప్ చేసుకుంటోంది. తను చేసే ప్రతి సినిమా వైవిధ్యంగా ఉండేలా జాగ్రత్తలు తీసుకుంటోంది. బాలీవుడ్‌లోనే కాకుండా వివిధ భాషల్లో వరసగా సినిమాలు చేస్తూ బిజీ అవుతోంది శ్రద్ధా. ప్రభాస్‌తో ‘సాహో’ వంటి భారీ చిత్రంలో నటిస్తూనే బాలీవుడ్‌లో ‘స్త్రీ’ చిత్రం చేస్తోంది. ఈ సినిమా షూటింగ్ పూర్తి చేసి ‘బట్టి గుల్ మీటర్ ఛల్’ చిత్రం షూటింగ్‌లో పాల్గొంటోంది.
ప్రతి సినిమా డిఫరెంట్‌గా ఉండాలని కోరుకునే శ్రద్ధా ఇప్పుడు ఓ ఛాలెంజింగ్ పాత్రను పోషించేందుకు సిద్ధమవుతోంది. బ్యాడ్మింటన్ ప్లేయర్ సైనా నెహ్వాల్ జీవిత కథ ఆధారంగా ఓ బయోపిక్ నిర్మాణం జరుపుకోనుందన్న విషయం తెలిసిందే. ఈ సినిమాలో సైనా పాత్రను శ్రద్ధా పోషించనుంది. ఆ క్యారెక్టర్‌కి పూర్తి న్యాయం చేసేందుకు కష్టపడుతోంది. అథ్లెటిక్ ఫిట్‌నెస్ కోసం కృషి చేస్తోంది. సెప్టెంబర్‌లో ఈ సినిమా సెట్స్‌పైకి వెళ్ళే అవకాశం ఉంది.