கோலிவுட் திரையுலகின் முன்னணி நட்சத்திரங்கள் பலர் காலண்டருக்கு போஸ் கொடுத்த செய்தியும் அது குறித்த புகைப்படங்களும் சமீபத்தில் வெளியாகி வைரல் ஆனது என்பது தெரிந்ததே. சிம்பு ஓவியா உள்பட பல முன்னணி நட்சத்திரங்கள் செலிபிரிட்டி காலண்டருக்கு போஸ் கொடுத்தனர் என்பது குறிப்பிடத்தக்கது

இந்த நிலையில் தற்போது அடுத்த கட்டமாக ரவிவர்மன் ஓவியம் போலவே பிரபல நடிகைகள் போஸ் கொடுத்த காலண்டர் புகைப்படங்கள் தற்போது வைரலாகி வருகிறது. தென்னிந்திய திரையுலகின் முன்னணி நடிகைகளான ஸ்ருதிஹாசன் மற்றும் சமந்தா ஆகியோர் அசல் அசலாக ரவிவர்மன் ஓவியத்திற்கு போஸ் கொடுத்துள்ளனர் இந்த புகைப்படம் தற்போது சமூக வலைதளங்கள் மற்றும் இணையதளங்களில் வைரலாகி வருகிறது

இந்த புகைப்படம் எடுக்கும் படப்பிடிப்பின்போது தனக்கு ஏற்பட்ட வித்தியாசமான அனுபவத்தை விவரிக்கவே முடியாது என்றும், இதற்கு உதவிய சுஹாசினி அக்காவுக்கு நன்றியை தெரிவித்து கொள்வதாகவும் நடிகை ஸ்ருதிஹாசன் தனது சமூக வலைத்தள பக்கத்தில் தெரிவித்துள்ளார். அதேபோல் ’இதுபோன்ற ஒரு அர்த்தமுள்ள புரோஜக்டில் பங்கேற்றதில் மிகவும் மகிழ்ச்சி’ என்று நடிகை சமந்தா தெரிவித்துள்ளார்.