close
Choose your channels

‘వకీల్‌సాబ్‌’కు డేట్స్ కేటాయించిన శృతి..!

Saturday, August 1, 2020 • తెలుగు Comments

‘వకీల్‌సాబ్‌’కు డేట్స్ కేటాయించిన శృతి..!

రెండేళ్ళ క్రితం వరకు స్టార్ హీరోయిన్ హోదాలో ఓ వెలుగు వెలిగిన క‌థానాయిక శృతి హాసన్. కాని గత ఏడాది కాలం నుంచి ఈమె న‌టించిన‌ ఒక్క సినిమా కూడా ద‌క్షిణాదిలో విడుదల కాలేదు. తమిళంలో ‘ఎస్3’, తెలుగులో ‘కాటమరాయుడు’ సినిమాల తర్వాత శృతి.. దక్షిణాదిన దాదాపు కనుమరుగైపోయారు. ఈ క్రమంలో ఆమె ప్రేమ వివాహం చేసుకోబోతున్నట్టు, అందుకే సినిమాలకు దూరంగా ఉంటున్నట్టు కథనాలు వినిపించాయి. లవ్ బ్రేకప్ కావడంతో శృతిహాస‌న్ మ‌ళ్లీ సినిమాలు, మ్యూజిక్ కాన్‌స‌ర్ట్‌ల‌పై ఫోక‌స్ చేసింది. ఆ క్ర‌మంలో ఈమె రెండు తెలుగు సినిమాల‌కు ఓకే చెప్పింది. అందులో ఒక‌టి ‘క్రాక్’ సినిమా కాగా.. మ‌రో చిత్రం ప‌వ‌న్‌క‌ల్యాణ్ ‘వకీల్‌సాబ్‌’.

‘వకీల్‌సాబ్‌’కు డేట్స్ కేటాయించిన శృతి..!

నిజానికి శృతి ‘వకీల్‌సాబ్‌’లో చేస్తున్న‌ట్లు చాలా రోజుల క్రిత‌మే వార్త‌లు వినిపించాయి. అయితే ఆ వార్త‌ల్లో నిజం లేద‌ని ఆమె ప‌లు ఇంట‌ర్వ్యూలో చెప్పింది. అయితే ఆమె న‌టిస్తుంద‌ని ఇప్పుడు సినీ వ‌ర్గాలు చెబుతున్నాయి. సెప్టెంబ‌ర్‌లో శృతిహాస‌న్‌పై కొన్ని స‌న్నివేశాల‌ను చిత్రీక‌రిస్తార‌ట‌. అలాగే అక్టోబ‌ర్‌లో ప‌వ‌న్‌క‌ల్యాణ్‌, శృతిహాస‌న్ మ‌ధ్య కొన్ని స‌న్నివేశాల‌ను చిత్రీక‌రించ‌నున్నార‌ట‌. ‘గ‌బ్బ‌ర్‌సింగ్‌, కాట‌మ‌రాయుడు’ చిత్రాల త‌ర్వాత ప‌వ‌న్‌, శృతి క‌లిసి చేయ‌బోయే చిత్ర‌మిదే అవుతుంది.

Get Breaking News Alerts From IndiaGlitz