close
Choose your channels

அடுத்தடுத்து ரிலீஸ் ஆகும் சிபிராஜ் படங்கள்!

Wednesday, March 4, 2020 • தமிழ் Comments

நடிகர் சத்யராஜ் மகன் சிபிராஜ் நடித்து முடித்துள்ள ’வால்டர்’ திரைப்படத்தின் படப்பிடிப்பு முடிவடைந்து வரும் 13ஆம் தேதி இந்த படம் ரிலீஸ் ஆகவுள்ளது. சென்சாரில் ‘யூ’ சான்றிதழ் பெற்றுள்ள இந்த படத்தின் புரமோஷன்கள் தற்போது முழுவீச்சில் நடைபெற்று வருகிறது.

இந்த நிலையில் சிபிராஜ் நடித்து வந்த இன்னொரு திரைப்படமான ’கபடதாரி’ என்ற படத்தின் படப்பிடிப்பும் சமீபத்தில் முடிவடைந்தது. இதனை அடுத்து இந்த படத்தின் போஸ்ட் புரடொக்ஷன் பணிகள் விறுவிறுப்பாக நடைபெற்று வருகிறது. பிரதீப் கிருஷ்ணமூர்த்தி இயக்கியுள்ள இந்த படம் வரும் மே மாதம் வெளியாகும் என்று தகவல்கள் வெளியாகி உள்ளது. இதனையடுத்து இரண்டு மாதங்கள் இடைவெளியில் சிபிராஜின் இரண்டு படங்கள் அடுத்தடுத்து வெளியாகவுள்ளது என்பது குறிப்பிடத்தக்கது.

சிபிராஜ் ஜோடியாக நந்திதா ஸ்வேதா நடித்துள்ள இந்த படம் கன்னட திரைப்படம் ஒன்றின் ரீமேக் என்பது குறிப்பிடத்தக்கது. சிபிராஜூடன் பூஜாகுமார், நாசர், ஜெயபிரகாஷ், சதீஷ்குமார் உள்பட பலர் நடித்துள்ள இந்த படத்திற்கு சைமன் கிங் இசையமைத்துள்ளார்.

Get Breaking News Alerts From IndiaGlitz