சிபிராஜின் 'கட்டப்பாவை காணோம்' ரிலீஸ் தேதி அறிவிப்பு
- IndiaGlitz, [Saturday,February 25 2017]
'நாய்கள் ஜாக்கிரதை', 'ஜாக்சன் துரை' படங்களை அடுத்து சிபிராஜ் நடித்து வந்த படம் 'கட்டப்பாவை காணோம்'. வித்தியாசமான டைட்டிலை கொண்ட இந்த படத்தை மணிசெய்யான் இயக்கி வந்தார். இந்த படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகளும் இறுதிக்கட்டத்தில் உள்ளது. இந்நிலையில் இந்த படத்தின் ரிலீஸ் தேதி தற்போது வெளிவந்துள்ளது.
'கட்டப்பாவை காணோம்' படம் வரும் மார்ச் மாதம் 17ஆம் தேதி ரிலீஸ் ஆகவுள்ளதாக அறிவிக்கப்பட்டுள்ளது., இந்த தகவலை சிபிராஜ் தன்னுடைய சமூக வலைத்தளத்தில் உறுதிசெய்துள்ளார்.
சிபிராஜ், ஐஸ்வர்யா ராஜேஷ், சாந்தினி தமிழரசன், லிவிஸ்டன், காளி வெங்கட் உள்ளிட்ட பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார்.
முழுக்க முழுக்க காமெடிக்கு முக்கியத்துவம் கொடுக்கப்பட்டுள்ள இந்த படத்தில் வாஸ்து மீன் ஒரு முக்கிய கேரக்டரில் நடித்துள்ளதாகவும், இந்த வாஸ்து மீன் பேசும் வசனங்களுக்கு விஜய்சேதுபதி குரல் கொடுத்துள்ளதாகவும் வெளிவந்த செய்திகளை ஏற்கனவே பார்த்துள்ளோம் என்பது குறிப்பிடத்தக்கது.