சிம்புவின் 'ஈஸ்வரன்' குறித்த மாஸ் அறிவிப்பு: ரசிகர்கள் உற்சாகம்!
- IndiaGlitz, [Tuesday,December 29 2020]
நடிகர் சிம்புவின் ‘ஈஸ்வரன்’ திரைப்படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது என்பது தெரிந்ததே. இந்த படம் வரும் பொங்கல் தினத்தில் ஜனவரி 14ஆம் தேதி ரிலீஸாகும் என்று எதிர்பார்க்கப்பட்டு வரும் நிலையில் இந்த படத்தின் புரமோஷன் பணிகள் கடந்த சில நாட்களாக விறுவிறுப்பாக நடைபெற்று வருகிறது.
இந்த நிலையில் சற்று முன் ஜனவரி இரண்டாம் தேதி ‘ஈஸ்வரன்’ திரைப்படத்தின் பாடல்கள் வெளியாகும் என்று படக்குழுவினர் அதிகாரப்பூர்வமாக அறிவித்துள்ளனர். தமன் இசையமைப்பில் யுகபாரதி எழுதிய இந்த படத்தின் பாடல்களுக்கு ஏற்கனவே நல்ல எதிர்பார்ப்பு இருக்கும் நிலையில் இந்த படத்தின் பாடல்கள் சிம்புவின் ரசிகர்களால் மிகப்பெரிய அளவில் வெற்றி பெறும் என்று எதிர்பார்க்கப்படுகிறது.
சிம்பு, நிதி அகர்வால், பாரதிராஜா உள்பட பலர் நடித்திருக்கும் இந்த படத்தை சுசீந்திரன் இயக்கியுள்ளார். கிராமத்து கதையம்சம் கொண்ட இந்த படம் சிம்பு, சுசீந்திரன் ஆகிய இருவருக்கும் வெற்றிப்படமாக அமையும் என்று எதிர்பார்க்கப்படுகிறது.