முதல்முறையாக கமல்ஹாசனுடன் இணையும் சிம்பு? மாஸ் தகவல்..!
- IndiaGlitz, [Wednesday,May 10 2023]
உலகநாயகன் கமல்ஹாசனின் 234 வது திரைப்படத்தை மணிரத்னம் இயக்க இருக்கிறார் என்பதும் இந்த படத்தை ரெட் ஜெயண்ட் மூவிஸ் நிறுவனம் தயாரிக்க இருப்பதாகவும் சமீபத்தில் அறிவிக்கப்பட்டது.
மேலும் இந்த படத்தின் ஆரம்பகட்ட பணிகள் விரைவில் தொடங்க இருப்பதாகவும் ’இந்தியன் 2’படத்தின் படப்பிடிப்பை முடித்தவுடன் கமல்ஹாசன் இந்த படத்தில் படப்பிடிப்பில் கலந்து கொள்வார் என்றும் கூறப்பட்டது.
மேலும் இந்த படத்தில் கமல்ஹாசன் ஜோடியாக நயன்தாரா நடிக்க இருப்பதாகவும், இது குறித்த பேச்சுவார்த்தை நடைபெற்று வருவதாகவும் விரைவில் அதிகாரப்பூர்வ அறிவிப்பு வெளியாகும் என்றும் கூறப்பட்டது.
இந்த நிலையில் தற்போது வந்துள்ள தகவலின்படி இந்த படத்தில் சிம்புவும் ஒரு முக்கிய கேரக்டரில் நடிக்க இருப்பதாக கூறப்படுகிறது. இந்த தகவல் உறுதி செய்யப்பட்டால் முதல் முறையாக கமல்ஹாசன் மற்றும் சிம்பு ஒரே படத்தில் இணைந்து நடிக்க உள்ளனர் என்பது குறிப்பிடத்தக்கது.
இதே ரீதியில் சென்றால் ’விக்ரம்’ போலவே ’கமல்ஹாசன் 234’ படமும் ஒரு மல்டி ஸ்டார் படமாக உருவாகும் என்று எதிர்பார்க்கப்படுகிறது.