close
Choose your channels

கொரோனா பாதித்தவர்களுக்கு ரகசியமாக உதவி செய்யும் பிரபல பாடகி

Thursday, March 26, 2020 • தமிழ் Comments

கொரோனா பாதித்த தனது ரசிகர்களுக்கு அமெரிக்காவை சேர்ந்த பிரபல பாப் இசைப் பாடகி ஆரியானா க்ராண்டே ரகசியமாக நிதியுதவி அளித்து வரும் செய்தி தற்போது வெளிச்சத்திற்கு வந்துள்ளது.

கொரோனா வைரஸ் தொற்று பிரச்சினையால் பாதிக்கப்பட்ட தனது ரசிகர்களுடன் சமூக வலைத்தளங்கள் மூலம் உரையாடும் பாடகி ஆரியானா க்ராண்டே அவர்களில் சிலரை தேர்வு செய்து அவர்களுக்கு செயலி மூலம் பணம் அனுப்பி உதவி செய்து வருகிறார். இந்த உதவியை அவர் யாரிடமும் சொல்லி விளம்பரப்படுத்தவில்லை.

இதுவரை 10 ரசிகர்களுக்கு 500 அமெரிக்க டாலரிலிருந்து 1500 அமெரிக்க டாலர்கள் வரை ஆரியானா அனுப்பியுள்ளதாகவும், அத்தியாவசியத் தேவை யாருக்கு என்பதை புரிந்து கொண்டு அவர்களுக்கு ஆரியானா உதவி செய்து வருவதாகவும், இந்த உதவியை பெற்ற ஒருசிலரிடம் இருந்து தகவல் தெரிந்து கொண்ட அமெரிக்க பத்திரிகை ஒன்று இதுகுறித்த செய்தியை வெளியிட்டுள்ளதாகவும் தெரிகிறது.

எல்லா ரசிகர்களுக்கும் உதவ முடியாது என்றாலும் அவர்களுடைய சமூக வலைத்தள உரையாடல்களை வைத்து யாருக்கு அவசர தேவையோ அவர்களுக்கு உதவி செய்து வரும் பாடகி ஆரியானாவுக்கு பாராட்டுக்கள் குவிந்து வருகிறது.

Get Breaking News Alerts From IndiaGlitz