close
Choose your channels

மனித நேயத்துடன் சமூக சேவை செய்யும் சூப்பர் சிங்கர் பிரியங்கா: ரசிகர்கள் நெகிழ்ச்சி

Wednesday, March 24, 2021 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

விஜய் டிவியில் ஒளிபரப்பான சூப்பர் சிங்கர் நிகழ்ச்சியில் பிரியங்கா டைட்டில் பட்டம் வென்றார் என்பது அனைவரும் அறிந்ததே. அதன்பின்னர் அவர் ஒரு சில திரைப்படங்களிலும் பாடியுள்ளார் என்பதும் அவர் பாடிய பல பாடல்கள் யூடியூப் சேனலில் பிரபலமாகி வருகிறது என்பதும் தெரிந்ததே. குறிப்பாக அவர் பாடிய ‘சின்னச்சின்ன வண்ணக்குயில்’ பாடல், எஸ்பிபி அவர்களுடன் பாடிய பாடலுக்கு மில்லியன்கணக்கான பார்வையாளர்கள் உள்ளனர்.

இந்த நிலையில் பாடகி பிரியங்கா மிகச் சிறந்த பாடகி மட்டுமின்றி ஒரு டாக்டர் என்பது பலரும் அறியாத உண்மையாக உள்ளது. குறிப்பாக அவர் ஒரு பல் டாக்டர் என்பதும், ஏழை எளியவர்களுக்கு இலவசமாக பல் மருத்துவம் செய்து வருவதாகவும் தகவல்கள் வெளிவந்துள்ளன. இது குறித்த புகைப்படங்கள் அவருடைய இன்ஸ்டாகிராம் பக்கத்தில் பதிவு செய்யப்பட்டுள்ளன

பிரியங்கா ஏழை எளியவர்கள் மற்றும் சிறுவர்களுக்கு பல் பரிசோதனை செய்யும் காட்சிகள் அந்த புகைப்படத்தில் இருக்கின்றன. சூப்பர் சிங்கராக மட்டுமின்றி பல் டாக்டர் என்ற இன்னொரு அவதாரமாக ஏழை எளியவர்களுக்கு சமூக சேவை செய்து வரும் பிரியங்காவுக்கு ரசிகர்கள் வாழ்த்துக்களையும் பாராட்டுக்களையும் தெரிவித்து வருகின்றனர்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.