இரண்டாவது திருமணம் செய்யும் பிரபல பாடகி: தொழிலதிபர் மாப்பிள்ளை!
- IndiaGlitz, [Monday,December 07 2020]
பிரபல தமிழ் தெலுங்கு திரைப்பட பாடகி இரண்டாவது திருமணம் செய்து கொள்வதாக அறிவித்துள்ளார். அவரை திருமணம் செய்து கொள்வது ஒரு தொழிலதிபர் என்பது குறிப்பிடத்தக்கது
தெலுங்கு திரையுலகில் ஏராளமாக பாடல்களை பாடியவர் சுனிதா. இவர் தமிழிலும் இளையராஜா இசையில் சில பாடல்களை பாடியுள்ளார் என்பதும் படங்களில் பாடுவது மட்டுமின்றி நடிகைகளுக்கு டப்பிங் பேசி வருகிறார் என்பதும் குறிப்பிடத்தக்கது
இந்த நிலையில் 19 வயதிலேயே திருமணம் செய்து கொண்ட சுனிதாவுக்கு ஒரு மகன் மற்றும் ஒரு மகள் உள்ளனர் என்பதும் மகள் ஸ்ரேயாவும் பாடகியாக உள்ளார் என்பதும் குறிப்பிடத்தக்கது
இந்த நிலையில் கடந்த சில மாதங்களாகவே பாடகி சுனிதா இரண்டாவது திருமணம் செய்ய இருப்பதாக தெலுங்கு திரையுலகில் வதந்திகள் பரவியது. ஆனால் இந்த வதந்திகளை அவர் கண்டு கொள்ளாமல் அவ்வப்போது மறுத்து வந்தார். இந்த நிலையில் தற்போது அவர் தனது சமூக வலைத்தள பக்கத்தில் தான் இரண்டாவது திருமணம் செய்து கொள்ளப் போவதாகவும் தொழிலதிபர் ராம் தான் தனக்கு கணவராக வரப்போகிறவர் என்றும் அவர் பதிவு செய்துள்ளார் அந்த பதிவில், ‘ஒவ்வொரு தாயும் தன் குழந்தைகளை நன்றாக வளர்க்க வேண்டும், வாழ்க்கையில் செட்டில் செய்ய வேண்டும் என்று தான் கனவு காண்பார்கள். நானும் அது போன்று தான் கனவு இருக்கின்றேன். ஆனால் அதேநேரத்தில் அற்புதமான சிந்தனை கொண்ட குழந்தைகளை நான் கொண்டிருப்பதில் நான் மகிழ்ச்சி அடைகிறேன். தற்போது ஒரு முக்கிய தருணம் வந்து விட்டது. என் வாழ்க்கையில் அற்புதமான நண்பராகவும் சிறந்த பார்ட்னராக ராம் அவர்கள் நுழைந்துள்ளார். நாங்கள் விரைவில் திருமணம் செய்ய உள்ளோம். எங்களுடைய என்னுடைய நலம் விரும்பிகள் அனைவருக்கும் நன்றி என்று கூறியுள்ளார்
இதனை அடுத்து சுனிதாவின் இரண்டாவது திருமணம் உறுதி செய்யப்பட்டுள்ளதை அடுத்து ரசிகர்கள் அவருக்கு வாழ்த்து தெரிவித்து வருகின்றனர்