விஜய் டிவியில் ஒளிபரப்பாகி வரும் "சிறகடிக்க ஆசை" சீரியலின் நாயகனாக நடிக்கும் வெற்றி வசந்தின் மனைவி வைஷ்ணவி, ஒரு சீரியல் நடிகை என்பதும், ‘பொன்னி’ சீரியலின் நாயகியாகவும் நடித்து வருகிறார் என்பதும் தெரிந்ததே.

இந்த நிலையில், வைஷ்ணவி தனது சமூக வலைத்தளப் பக்கத்தில், தனது காலில் ஏற்பட்ட காயம் பற்றிய வீடியோவை பகிர்ந்துள்ளார். இந்த வீடியோவை பார்த்த ரசிகர்கள் அதிர்ச்சி அடைந்துள்ளனர்.

தனக்குக் காலில் காயம் ஏற்பட்டுள்ளதாகவும், தோள்பட்டைகளில் காயம் இருப்பதாகவும், எலும்பில் அடிபட்டு உள்ளதாகவும் அவர் தெரிவித்துள்ளார். மேலும், நடக்க முடியாமல் "வாக்கிங் ஸ்டிக்" பயன்படுத்தி நடந்து வரும் வீடியோவையும் அவர் பகிர்ந்துள்ளார்.

இதுகுறித்து வைஷ்ணவி தனது இன்ஸ்டா பக்கத்தில் கூறியுள்ளதாவது: எல்லாவற்றையும் தொடர்ந்து மாற்றித் தள்ளும் ஒரு திரையுலகில், நான் நிலையை அடைவதற்காகவும் என் இடத்தை தக்க வைத்து கொள்ளவும் தினந்தோறும் போராடி வருகிறேன்.

ஒவ்வொரு பாத்திரமும், ஒவ்வொரு திட்டமும், ஒவ்வொரு பின்னடைவும், ஒவ்வொரு வெற்றியும் என நான் கடந்து வந்த பயணத்தின் ஒரு அங்கமாக உள்ளது. திரையில் ஒளிரும் ஒவ்வொரு கணத்திற்கும் பின்னால் எண்ணற்ற மணி நேரங்களாக செய்யப்பட்ட தயாரிப்பு, உற்சாகம், மற்றும் பல தியாகங்கள் இருக்கின்றன.

என் கடின உழைப்பும் உறுதிப்பாட்டும், எனது தீவிர விருப்பமும், எல்லையை கடந்து செல்லும் வலுவாக இருந்து, ஒரு ஃப்ரேமுக்கு ஒரு ஃப்ரேம் என தடைகளை முறியடித்து வருகிறேன்.

View this post on Instagram

A post shared by Vaishnavi sundar (@vaishusundarofficial)