சிவகார்த்திகேயன் நடிப்பில் ஏ.ஆர். முருகதாஸ் இயக்கத்தில் உருவாகி வரும் படத்தின் டீசர் தேதி வெளியாகும் குறித்த தகவல் கசிந்துள்ளது. இந்த தேதி, சிவகார்த்திகேயனின் பிறந்தநாள் என்பதால், அது ரசிகர்கள் மத்தியில் பரபரப்பை ஏற்படுத்தியுள்ளது.

சிவகார்த்திகேயன் நடிப்பில் ஏ.ஆர். முருகதாஸ் இயக்கத்தில் உருவாகி வரும் ’எஸ்.கே. 23’ படத்தின் படப்பிடிப்பு கடந்த சில மாதங்களாக நடைபெற்று வந்தது. ருக்மணி வசந்த் நாயகியாக நடித்து வரும் இந்த படத்தில் இன்னொரு நாயகியாக கீர்த்தி சனோன் நடித்து வருகிறார். மேலும், இந்த படம் ரூ.100 கோடிக்கும் அதிகமான பட்ஜெட்டில் உருவாகி வருகிறது என்பதும் குறிப்பிடத்தக்கது.

அனிருத் இசையமைக்கும் இந்த படத்தின் படப்பிடிப்பு கிட்டத்தட்ட முடிவடைந்த நிலையில், தற்போது டீசர் வெளியீட்டு தேதி குறித்த தகவல் கசிந்துள்ளது. இந்த படத்தின் டீசர் பிப்ரவரி 17ஆம் தேதி வெளியாகும் என்றும், அன்றுதான் சிவகார்த்திகேயன் பிறந்தநாள் என்பதால், அவரது ரசிகர்களுக்கு அது ஒரு சிறப்பான பிறந்தநாள் விருந்தாக அமையும் என்றும் கூறப்படுகிறது.

இந்த நிலையில், தற்போது சுதா கொங்கரா இயக்கத்தில் உருவாகி வரும் ’பராசக்தி’ என்ற படத்தில் சிவகார்த்திகேயன் நடித்து வருகிறார். இந்த படத்தின் ஒரு முக்கியமான அப்டேட் அவரது பிறந்தநாளில் வெளியாகும் என எதிர்பார்க்கப்படுகிறது.