சிவகார்த்திகேயன் தற்போது ’டாக்டர்’ மற்றும் ’அயலான்’ ஆகிய இரண்டு படங்களில் மாறி மாறி நடித்து வருகிறார் என்பதும், இந்த இரண்டு படங்களின் பர்ஸ்ட் லுக் போஸ்டர் நேற்று அவரது பிறந்த நாளில் வெளியாகி அவரது ரசிகர்களுக்கு இரட்டை விருந்தாக இருந்தது என்பதும் குறிப்பிடத்தக்கது.

இந்த நிலையில் ’அயலான்’ திரைப்படத்தில் சிவகார்த்திகேயன் முதன் முதலாக மூன்று வேடத்தில் நடித்து வருகிறார் என்றும் அதில் ஒரு வேடம் வேற்றுகிரக மனிதர் வேடம் என்றும் கூறப்படுகிறது.

இந்த நிலையில் ’அயலான்’ படம் தமிழ் உள்பட 5 மொழிகளில் வெளியாக உள்ளதாக செய்திகள் வெளியாகி உள்ளது. இந்த படத்தின் கதை அனைத்து மொழிகளுக்கும் ஏற்றதாக இருக்கும் என்பதால் தமிழ், உள்பட ஐந்து மொழிகளில் இந்த படத்தை வெளியிட படக்குழுவினர் திட்டமிட்டுள்ளதாக கூறப்படுகிறது.

சிவகார்த்திகேயன் ஜோடியாக ரகுல் ப்ரீத்திசிங் நடித்திருக்கும் இந்த படத்திற்கு இசைப்புயல் ஏஆர் ரஹ்மான் இசையமைத்து வருகிறார். இயக்குனர் ரவிகுமார் இயக்கத்தில் உருவாகி வரும் இந்த படத்தின் படப்பிடிப்பு விறுவிறுப்பாக நடைபெற்று வருகிறது.