close
Choose your channels

சிவகார்த்திகேயனின் 'டாக்டர்' படத்தின் அடுத்த அட்டகாசமான அறிவிப்பு!

Tuesday, December 3, 2019 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

சிவகார்த்திகேயன் நடித்த ’ஹீரோ’ திரைப்படம் விரைவில் திரைக்கு வர உள்ள நிலையில் அவர் தற்போது ’இன்று நேற்று நாளை’ இயக்குனர் ரவிக்குமார் இயக்கத்தில் உருவாகி வரும் படத்தில் நடித்து வருகிறார்.

இந்த நிலையில் சிவகார்த்திகேயன் நடிக்கும் அடுத்த படத்தின் அறிவிப்பு நேற்று வெளிவந்தது என்பதும் ’டாக்டர்’ என்ற டைட்டில் வைக்கப்பட்டுள்ள இந்த படத்தை கோலமாவு கோகிலா நெல்சன் இயக்கவிருக்கிறார் என்பதையும் இந்த படத்திற்கு இளம் இசை புகழ் அனிருத் இசையமைக்க உள்ளார் என்பதையும் பார்த்தோம்.

இந்த நிலையில் சிவகார்த்திகேயனின் டாக்டர் திரைப்படத்தின் தொழில்நுட்ப கலைஞர்கள் குறித்த அறிவிப்பு தற்போது வெளியாகி உள்ளது. இந்த படத்திற்கு விஜய் கார்த்திக் கண்ணன் ஒளிப்பதிவு செய்ய இருப்பதாகவும், நிர்மல் படத்தொகுப்பு பணியில் ஈடுபட இருப்பதாகவும், கிரண் கலை இயக்குனராகவும், அன்பறிவ் சண்டை பயிற்சி இயக்குனராகவும், பல்லவி சிங் காஸ்டியூம் டிசைனராக பணி புரிவதாகவும் அறிவிக்கப்பட்டுள்ளது.

மேலும் இந்த படத்தில் சிவகார்த்திகேயனுக்கு ஜோடியாக நடிக்கும் நடிகை மற்றும் இந்த படத்தில் நடிக்கும் மற்ற நட்சத்திரங்கள் குறித்த அறிவிப்பு ஒருசில நாட்களில் வெளியாகும் என்று எதிர்பார்க்கப்படுகிறது. சிவகார்த்திகேயனின் எஸ்கேப் புரடொக்சன்ஸ் மற்றும் கேஜேஆர் ஸ்டுடியோஸ் நிறுவனம் தயாரிக்கும் இந்தப் படத்தின் படப்பிடிப்பு விரைவில் தொடங்க உள்ளது என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.