உன் லெவலுக்குத்தான் வாலாட்டனும்: Mr.லோக்கல் டீசர் விமர்சனம்
- IndiaGlitz, [Sunday,February 17 2019]
சிவகார்த்திகேயன், நயன்தாரா நடிப்பில் ராஜேஷ் எம் இயக்கிய 'Mr.லோக்கல்; திரைப்படத்தின் டீசர் சற்றுமுன் வெளியாகியுள்ளது.
என் பேர் மனோகர், செல்லமா Mr.லோக்கல்ன்னு கூப்பிடுவாங்க என்ற சிவகார்த்திகேயன் அறிமுகத்துடனும் ஒரு அதிரடி ஸ்டண்ட் காட்சியுடனும் டீசர் ஆரம்பிக்கின்றது. கீர்த்தனா வாசுதேவன் என்ற கேரக்டரில் ஒரு நிறுவனத்தின் சி.இ.ஓ கேரக்டரில் நடித்திருக்கும் நாயகி நயன்தாராவுக்கு கெத்தான ரோல் என்பது டீசரில் இருந்து தெரிய வருகிறது.
லோக்கல் பசங்களை சுத்தமாக பிடிக்காத நயன்தாராவுக்கும் பக்கா லோக்கல் சிவகார்த்திகேயனுக்கும் இடையே நடக்கும் மோதல் அதன்பின் காதல் என்பதுதான் இந்த படத்தின் கதையாக இருக்கும்
ராஜேஷ் எம், முந்தய படங்களை போல் ஹீரோ, ஹீரோயின் மோதல், காதல், காமெடியுடன் வெளிநாட்டு குளுகுளு காட்சிகளும் இந்த படத்தில் உள்ளது. சந்தானம் இடத்தை யோகிபாபு மற்றும் சதீஷ் நிரப்புவார்கள் என்று எதிர்பார்க்கப்படுகிறது. ஹிப்ஹாப் தமிழா ஆதியின் பாடல்கள், இசை வழக்கம்போல் உள்ளது.
மொத்தத்தில் ஒரு படுஜாலியான படம் ஒன்று சிவகார்த்திகேயன் ரசிகர்களுக்காக காத்திருக்கின்றது என்பது டீசரில் இருந்து தெரிகிறது.