தீபாவளி வின்னர் யார்? பிரின்ஸ் மற்றும் 'சர்தார்' முதல் நாள் வசூல் தகவல்கள்!
- IndiaGlitz, [Saturday,October 22 2022]
இந்த ஆண்டு தீபாவளி தினத்தில் கமல், ரஜினி, அஜித், விஜய், சூர்யா ஆகிய முன்னணி நடிகர்களின் திரைப்படங்கள் வெளியாகாத நிலையில் சிவகார்த்திகேயன் மற்றும் கார்த்தி படங்கள் வெளியாகியுள்ளன. இந்த இருவரில் தீபாவளி வின்னர் யார் என்பதை தற்போது பார்ப்போம்.
தீபாவளி விருந்தாக சிவகார்த்திகேயன் நடித்த ‘பிரின்ஸ் திரைப்படம் வெளியானது என்பதும் இந்தப் படம் மிகப் பெரிய எதிர்பார்ப்புடன் வெளிவந்த முதல் நாளே தமிழகத்தில் கலவையான விமர்சனங்கள் பெற்றுள்ளது. ஆனால் தெலுங்கு மாநிலங்களில் இந்த படத்திற்கு நல்ல வரவேற்பு என கூறப்படுகிறது.
அதேபோல் கார்த்தி நடித்த ’சர்தார்’ படத்தின் டீசர் மற்றும் டிரைலர் மிகப் பெரிய அளவில் வரவேற்பை பெற்று இருந்த நிலையில் நேற்றைய முதல் நாளில் இந்த படத்தை அவரது ரசிகர்கள் கொண்டாடி வருகின்றனர்.
இந்த நிலையில் சிவகார்த்திகேயனின் ‘பிரின்ஸ்’ திரைப்படம் நேற்று வெளியான முதல் நாளில் உலகம் முழுவதும் 6.50 கோடி ரூபாய் வசூல் செய்திருப்பதாகவும் தமிழகத்தில் மட்டும் 4.50 கோடி வசூல் செய்திருப்பதாகவும் தகவல்கள் வெளியாகியுள்ளன.
அதேபோல் கார்த்தியின் ‘சர்தார்’ திரைப்படம் நேற்று வெளியான முதல் நாளில் உலகம் முழுவதும் 8.00 கோடி ரூபாய் வசூல் செய்திருப்பதாகவும் தமிழகத்தில் மட்டும் 4 கோடி வசூல் செய்திருப்பதாகவும் கூறப்படுகிறது. முதல் நாள் வசூலை பொருத்தவரையில் ‘சர்தார்’ தீபாவளி வின்னராக கூறப்பட்டாலும் அடுத்தடுத்த நாட்களின் வசூல் எப்படி இருக்கின்றது என்பதை பொறுத்திருந்து பார்ப்போம்.