close
Choose your channels

ரோடு தான் ஆபிஸ், வெயில்தான் ஏசி: சிவப்பு மஞ்சள் பச்சை டீசர் ரிலீஸ்

Friday, June 14, 2019 • தமிழ் Comments

சித்தார்த், ஜிவி பிரகாஷ் நடிப்பில் இயக்குனர் சசி இயக்கிய 'சிவப்பு மஞ்சள் பச்சை' திரைப்படத்தின் புரமோஷன் கடந்த சில நாட்களாக நடைபெற்று வரும் நிலையில் சற்றுமுன் இந்த படத்தின் டீசர் வெளியாகியுள்ளது.

சித்தார்த் போக்குவரத்து காவல்துறை அதிகாரியாகவும், ஜிவி பிரகாஷ் சட்டவிரோதமாக சாலைகளில் பைக் ரேஸில் ஈடுபடும் இளைஞராகவும் நடித்துள்ளனர். 'கேப்ல ஓட்டற தில் இருக்குறவன் தான் மாஸ்' என்ற கொள்கையுடன் வாழும் ஜிவி பிரகாஷுக்கு எதிராக களமிறங்கும் போலீஸ் அதிகாரி சித்தார்த்தின் நடவடிக்கைகள் தான் இந்த படம். பெரும்பாலான காட்சிகள் ரேஸ் மற்றும் சேஸிங் காட்சிகளாக இருப்பதால் இந்த படம் த்ரில் பட ரசிகர்களுக்கு பிடிக்கும் என எதிர்பார்க்கப்படுகிறது.

சட்டவிரோதமாக பைக் ரேஸில் ஈடுபடுவதால் பல விபத்துக்கள் சென்னையில் நடந்து வரும் நிலையில் அதுகுறித்த ஒரு விழிப்புணர்வு திரைப்படம் எடுத்துள்ள இயக்குனர் சசியை நிச்சயம் பாராட்டியே ஆகவேண்டும். 'பிச்சைக்காரன்' படத்தை அடுத்து இந்த படமும் அவருக்கு வெற்றிப்படமாக அமையும் என்று தெரிகிறது. 

சித்தார்த், ஜிவி பிரகாஷ், லிஜோமால் ஜோஸ், காஷ்மீரா பர்தேஷி, தீபா ராமானுஜம் உள்பட பலர் நடித்துள்ள இந்த படத்திற்கு சித்துகுமார் இசையமைத்துள்ளார், இந்த படம் ஜூலையில் வெளியாகவுள்ளது. 
 

Get Breaking News Alerts From IndiaGlitz