close
Choose your channels

தனது குரலில் பிரபலங்களிடம் பேசிய மென்பொறியாளரை சாதுர்யமாக கண்டுபிடித்த சரத்குமார்!

Thursday, July 30, 2020 • தமிழ் Comments

மென் பொறியாளர் ஒருவர் மென்பொருளின் உதவியுடன் தன்னை போலவே பிரபலங்களிடம் பேசியதை நடிகர் சரத்குமார் சாதுரியமான கண்டுபிடித்த தகவல் தற்போது வெளிவந்துள்ளது

அகில இந்திய சமத்துவ மக்கள் கட்சித் தலைவரும் நடிகருமான சரத்குமார், மென்பொருள் ஒன்றின் உதவியால் தனது குரலில் மர்ம நபர் ஒருவர் பல பிரபலங்களுடன் பேசியுள்ளார். சரத்குமார் ஏன் தங்களுடன் அடிக்கடி பேசுகிறார் என்று குழப்பம் அடைந்த அந்த பிரபலங்கள் சரத்குமாரிடமே நேரடியாக தொடர்பு கொண்டு விசாரித்தபோது தான் அவ்வாறு யாரிடமும் பேசவில்லை என்று சரத்குமார் தெரிவித்தார்

அதன்பின்னர் அந்த பிரபலங்களிடம் இருந்து செல்போன் எண்ணை வாங்கிய சரத்குமார், சம்பந்தப்பட்ட நபருக்கு போன் செய்து அவர் யார்? எதற்காக இப்படி செய்கிறார்? போன்ற விவரங்களை சாதுரியமாக கேட்டறிந்தார். தான் கோவையை சேர்ந்த ஒரு மென்பொருள் பொறியாளர் என்றும் மென்பொருள் ஒன்றின் உதவியுடன் பிரபலங்களின் குரலில் மற்ற பிரபலங்களுடன் பேசியதாகவும் அவர் சரத்குமாரிடம் தெரிவித்துள்ளார்

இதனையடுத்து அந்த நபரை கண்டித்த சரத்குமார், அதன் பின்னர் சென்னை பெருநகர காவல் ஆணையரிடம் புகார் அளித்துள்ளார். இந்த புகார் குறித்து காவல்துறையினர் விசாரணை செய்து வருகின்றனர். சரத்குமாருடன் பேசிய நபர் கோவை என்று கூறினாலும் அவர் மலையாளம் கலந்த தமிழ் உச்சரிப்புடன் பேசியதால் அவர் கேரளாவை சேர்ந்தவராக இருக்கலாம் என்று கருதப்படுகிறது. இந்த நிலையில் அந்த நபர் சரத்குமார் மட்டுமின்றி இன்னும் வேறு பிரபலங்களின் குரலில் பேசினாரா? இந்த மென்பொருளை பயன்படுத்தி பண மோசடியில் ஈடுபட்டாரரா? என்பது குறித்து காவல்துறையினர் விசாரணை செய்து வருகின்றனர்
 

Get Breaking News Alerts From IndiaGlitz