நடிகர் அஜித், ஒரு பக்கம் சினிமாவில் நடித்துக் கொண்டிருந்தாலும், இன்னொரு பக்கம் அவர் கார் ரேஸ் பயிற்சியில் ஈடுபட்டுக் கொண்டிருக்கிறார் என்பதும், உலகின் சில முக்கிய கார் ரேஸ்களில் அவர் கலந்து கொண்டிருக்கிறார் என்பதையும் பார்த்து வருகிறோம்.

அந்த வகையில், தற்போது அஜித் போலவே பிரபல நடிகை ஒருவரும் கார் ரேஸ் பயிற்சியில் ஈடுபடும் புகைப்படங்களை தனது இன்ஸ்டாகிராம் பக்கத்தில் பதிவு செய்துள்ள நிலையில், அந்த புகைப்படங்கள் தற்போது இணையத்தில் வைரல் ஆகி வருகிறது.

'பொன்னியின் செல்வன்' உள்பட பல திரைப்படங்களில் நடித்தவர் நடிகை சோபிதா துலிபாலா. இவர் சமீபத்தில் பிரபல தெலுங்கு நடிகர் நாக சைதன்யாவை திருமணம் செய்த நிலையில், அவ்வப்போது இருவரும் இணைந்த புகைப்படங்கள் சமூக வலைதளங்களில் பதிவாகி வருகிறது.

இந்த நிலையில், சோபிதா துலிபாலா தன் கணவர் நாக சைதன்யாவுடன் சேர்ந்து கார் பயிற்சிகளில் ஈடுபடும் புகைப்படங்களை தனது இன்ஸ்டாகிராம் பக்கத்தில் பதிவு செய்துள்ளார்.

இதனை அடுத்து, அவர் கார் ரேஸ் போட்டிகளில் கலந்து கொள்ள இருக்கிறாரா அல்லது கார் ரேஸ் வீராங்கனையாக ஏதாவது திரைப்படத்தில் நடிப்பதற்காக பயிற்சி பெறுகிறாரா என்பது தெரியவில்லை. இருப்பினும், இந்த புகைப்படங்கள் இணையத்தில் வைரல் ஆகி வரும் நிலையில், சோபிதாவுக்கு ரசிகர்கள் தங்களது வாழ்த்துக்களை தெரிவித்து வருகின்றனர்.

View this post on Instagram

A post shared by Sobhita (@sobhitad)