పాపం..లావణ్య
- IndiaGlitz, [Saturday,September 09 2017]
అందాల రాక్ష‌సితో హీరోయిన్‌గా ప‌రిచ‌య‌మైన లావణ్య త్రిపాఠి హీరోయిన్‌గా అవ‌కాశాల‌ను అందిపుచ్చుకుంటూనే ఉంది. సీనియ‌ర్ హీరో నాగార్జున సోగ్గాడే చిన్ని నాయ‌నా స‌హా యువ హీరోలంద‌రితో జ‌త క‌డుతుంది. అయితే 2017వ సంవ‌త్స‌రం లావణ్య త్రిపాఠికి అస్స‌లు అచ్చి రావ‌డం లేదు. ఈ ఏడాదిలో ఇప్ప‌టివ‌ర‌కు ఈ ముద్దుగుమ్మ హీరోయిన్‌గా న‌టించిన మూడు చిత్రాలు తెర‌పైకి వ‌చ్చాయి. మార్చి నెల‌లో శ‌ర్వానంద్‌కి జోడీగా న‌టించిన రాధ, ఏప్రిల్ నెల‌లో వ‌రుణ్‌తేజ్‌కి జంటగా న‌టించిన మిస్ట‌ర్‌.. తాజాగా నిన్న విడుదలైన యుద్ధం శర‌ణం (నాగ‌చైత‌న్య క‌థానాయ‌కుడు).. ఇలా ఈ అమ్మ‌డు న‌టించిన మూడు సినిమాలు బాక్సాఫీస్ వ‌ద్ద బోల్తా ప‌డ్డాయి.
దీంతో ఒకే ఏడాదిలో ఫ్లాప్‌ల హ్యాట్రిక్ చ‌విచూసిన‌ట్ల‌య్యింది లావ‌ణ్య‌కి. మొద‌టి రెండు సినిమాల్లో మ‌రో హీరోయిన్‌తో క‌లిసి న‌టించిన లావణ్య.. యుద్ధం శ‌ర‌ణంలో మాత్రం సోలో హీరోయిన్‌గా న‌టించింది. ఈ అమ్మ‌డు న‌టించిన ప్రాజెక్ట్ z ఈ నెల 15న రానుంది. క‌నీసం.. ఈ సినిమా అయినా విజ‌యం సాధిస్తుందేమో చూడాలి.