பிரபல சூப்பர் ஸ்டார் நடிகருக்கு கொரோனா பாதிப்பு: விரைவில் குணமாக ரசிகர்கள் வாழ்த்து!
- IndiaGlitz, [Wednesday,January 26 2022]
தென்னிந்தியாவின் பிரபல சூப்பர் ஸ்டார் நடிகருக்கு கொரோனா வைரஸ் பாதிப்பு ஏற்பட்டதை அடுத்து அவர் விரைவில் குணமாக வேண்டும் என ரசிகர்கள் வாழ்த்துக்களை தெரிவித்து வருகின்றனர்.
தமிழகம் உள்பட இந்தியா முழுவதும் கொரோனா மூன்றாவது அலை வீசி வருகிறது என்பதும் இதில் பொதுமக்கள் மட்டுமின்றி திரையுலக பிரபலங்களும், அரசியல் பிரபலங்களும், ஒரு சில மாநில முதலமைச்சர்களும், மத்திய அமைச்சர்களும் கொரோனாவால் பாதிக்கப்பட்டு சிகிச்சை பெற்று வருகின்றார்கள் என்பதை பார்த்து வருகிறோம்.
குறிப்பாக தமிழ் திரையுலகை பொறுத்தவரை கமல்ஹாசன், வடிவேலு, த்ரிஷா உள்பட பல பிரபலங்கள் கொரோனாவால் பாதிக்கப்பட்டு மீண்டு உள்ளனர் என்பது குறிப்பிடத்தக்கது. இந்த நிலையில் தென்னிந்தியாவின் பிரபல சூப்பர் ஸ்டார் நடிகர்களில் ஒருவரான சிரஞ்சீவி தனக்கு கொரோனா பாதிப்பு ஏற்பட்டுள்ளதாக தனது டுவிட்டர் பக்கத்தில் அறிவித்துள்ளார்.
தனக்கு கொரோனா அறிகுறி லேசாக இருப்பதாகவும் நேற்று இரவு முதல் தான் தனிமைப்படுத்திக் கொண்டு சிகிச்சை பெற்று வருவதாகவும் அவர் தெரிவித்துள்ளார். மேலும் தன்னுடன் தொடர்பில் இருந்தவர்கள் உடனடியாக பரிசோதனை செய்து கொள்ளுங்கள் என்றும் உங்கள் அனைவரின் வாழ்த்துக்களால் விரைவில் நான் குணம் ஆகி விடுவேன் என்றும் அவர் தெரிவித்துள்ளார். இதனை அடுத்து அவர் விரைவில் குணமாக வேண்டும் என ரசிகர்கள் தங்களுடைய வாழ்த்துக்களை தெரிவித்து வருகின்றனர்.
Dear All,
— Chiranjeevi Konidela (@KChiruTweets) January 26, 2022
Despite all precautions, I have tested Covid 19 Positive with mild symptoms last night and am quarantining at home.
I request all who came in contact with me over the last few days to get tested too.
Can’t wait to see you all back soon!