బాలుకు దొంగల బెడద
- IndiaGlitz, [Wednesday,April 05 2017]
ప్ర‌ముఖ గాయ‌కుడు ఎస్‌.పి.బాల‌సుబ్ర‌మ‌ణ్యంకు అమెరికాలో చేదు ఘ‌ట‌న ఎదురైంది. సింగ‌ర్‌గా 50 ఏళ్ళ‌ను పూర్తి చేసుకున్న బాల‌సుబ్ర‌మ‌ణ్యం అమెరికాలో ఎస్‌.పి.బి 50 ప‌ర్య‌ట‌న‌ల‌ను చేస్తున్నారు. ప్ర‌స్తుతం ఆయన సియాచిల్‌, లాస్ ఏంజెల్స్‌, అట్లాంటాల్లో ప్ర‌త్యేక షోస్‌ను నిర్వ‌హిస్తున్నారు. అయితే ఆమెరికాలో బాల‌సుబ్ర‌మ‌ణ్యంను కొంద‌రు దుండ‌గులు దోచుకున్నారు. బాలు బ్యాగును వారు ఎత్తుకెళ్ళిపోయారు. ఆ బ్యాగులో న‌గ‌దుతో పాటు పాస్ట్ పోర్ట్‌, క్రెడిట్ కార్డులున్నాయి. అయితే బాలు హుస్ట‌న్‌లో భార‌త రాయ‌భార కార్యాల‌యంలోని అధికారుల స‌హాయంతో డూప్లికేట్ పాస్‌పోర్టును పొందారు. ఈ విష‌యాన్ని బాలు త‌న ఫేస్‌బుక్‌లో పెట్టారు.