800 థియేటర్స్ లో 'స్పైడర్'
- IndiaGlitz, [Tuesday,September 12 2017]
మ‌హేష్ బాబు సినిమాల‌కు ఓవ‌ర్‌సీస్‌లో మంచి డిమాండ్ ఉంటుంద‌న్న సంగ‌తి తెలిసిందే. దూకుడుతో ఓవ‌ర్‌సీస్ ట్రెండ్‌కి శ్రీ‌కారం చుట్టిన మ‌హేష్.. ఆ త‌రువాత సీత‌మ్మ వాకిట్లో సిరిమ‌ల్లె చెట్టు, 1-నేనొక్క‌డినే, శ్రీ‌మంతుడు చిత్రాల‌తో త‌న హ‌వాను కొన‌సాగించాడు. ఈ నేప‌థ్యంలో మ‌హేష్ కొత్త చిత్రం స్పైడర్ ని యుఎస్ఎలో దాదాపు 800 థియేట‌ర్స్‌లో విడుద‌ల చేయ‌డానికి స‌న్నాహాలు జ‌రుగుతున్నాయి. మురుగ‌దాస్ ద‌ర్శ‌క‌త్వం వ‌హించిన ఈ చిత్రంపై భారీ అంచ‌నాలే ఉన్నాయి. రకుల్ ప్రీత్ సింగ్ హీరోయిన్‌గా న‌టించిన ఈ చిత్రానికి హేరిస్ జైరాజ్ సంగీత‌మందించారు. ఈ నెల 27న ద‌స‌రా కానుక‌గా ఈ సినిమా విడుద‌ల కానుంది.